قصه جديده يارب تعجبكم( مغامرات احمد وبيبو)

استعرض الموضوع السابق استعرض الموضوع التالي اذهب الى الأسفل

قصه جديده يارب تعجبكم( مغامرات احمد وبيبو)

مُساهمة من طرف hlmee في الإثنين مايو 12, 2008 3:53 am

الحلقه الأولى
المشهد الاول
(احمد...بيبو...باسم)

احمد: ازيك ياض يا بيبو
بيبو: تمام وانت
احمد: احسن منك
باسم: وانت احسن منه في ايه
احمد:مين ده يا بيبو؟
بيبو: ده ابن جارتي
احمد: وايه اللي جابه معاك
باسم: وانت مالك
بيبو: عيب يا باسم ده عمو احمد
باسم: طب قول لعمو يسكت
احمد: قوم ياض من هنا روح لماما
باسم: متغلطش
احمد: انت عندك كام سنه يا باسم
باسم: 6 ومش هقولك يا عمو
بيبو: انت جاي منين كده يا احمد
باسم: تلاقيه جاي من المدرسه والمدرس ضربه
احمد: استغفر الله العظيم...هتضيعلي الدماغ اللي عاملها
باسم: عملتها فين يعني....على روحك
بيبو:ههههههههههههههههههه
احمد : انت بتضحك يا بيبو..قوم روحه
باسم: ابقى البس بامبرز زي منصور اخويا
احمد: في طفل اسمه منصور؟ يلا ياض روح
بيبو: انت قاعد يا احمد
احمد: ايوه
بيبو: طيب تمام هروح باسم ونتقابل بكرا ان شاء الله
احمد: بسرعه طيب انا مستفاحشة
بيبو: بقولك نتقابل بكرا بقى الجو برد
احمد: ويعني بكرا هيكون صيف؟
احمد: هستناك على القهوه اللي اسمها ساده ومظبوط
بيبو: وانت هتعد على انهي واحده فيهم
احمد: مش ناقصاك كفايه الواد اللي معاك
باسم: متغلطش

(احمد مسك باسم من قفاه وفضل يودي فيه ويجيبه)

باسم: ماشي انا هقول لماما تبقلشك
احمد: تبقلشني؟؟
باسم: وهقول لبابا يحبسك في القفص
احمد: بس ياااض ابوك تاجر عصافير ولا ايه؟
بيبو: لأ يا احمد ابوه نقيب شرطه
احمد: طب خد هاتله واحد شيبسي وانت مروحه وسلم على باباه اوي
بيبو: ماشي
احمد: متتأخرش عشان ماما جايبالي عروسه ومش عارف اعمل ايه
بيبو: ايه ده ده اتفاق بقى وانا معرفش
احمد: ليه يعني بتقول كده
بيبو: اصلهم جايبين عروسه ليا انا كمان
احمد: جابوها على كام
بيبو: مش عارف بقى
باسم: عروسه ايه يا عم روح
احمد: لولا معزة ابوك عندي كنت موتك
باسم: متغلطش
بيبو: سلام يا احمد جايلك تاني

(ع فكره احمد فضل قاعد على القهوه لحد تاني يوم)




المشهد التاني
(احمد...ناريمان اللي المفروض هتكون خطيبته)

احمد:ممكن اكلم انسه ناريمان
ناريمان: ايوه انا مين
احمد: قوليلها احمد عاوز يكلمك
ناريمان: انا ناريمان مين معايا
احمد: لأ مش هتكلم غير لما تيجي
ناريمان: مجنون انت ولا ايه
احمد: انتي ناريمان؟
ناريمان: ايوه انا مين انت
احمد: واحد عاوز ناريمان
ناريمان: يوووه سلام
احمد: استني في ايه مالك
ناريمان: انت اللي فيه ايه
احمد: براحه طيب لو مش موجوده قولي
ناريمان: يا سيدي انا ناريمان انت مين
احمد: خلصي بقى ام الرصيد في الهيافه دي
ناريمان: ربنا يشفيك
احمد: وهو انا متصل بدكتوره؟
ناريمان: انت بجد مش تمام
احمد: يا انسه انا عاوز اكلم ناريمان
ناريمان: والله انا ناريمان عاوز ايه
احمد: هو الرقم خطأ ولا ايه
ناريمان: ايه خطأ دي كلامك غريب
احمد: انا اعرفك بنفسي بقى عشان جايب كارت 25
ناريمان: طيب وانا مالي بقى
احمد: انا احمد ابن فلانه وابن فلان
ناريمان: مين ..انا بجد هقفل
احمد: وانا متصل عشان تقفلي..ينفع كده
ناريمان: طيب اخلص وقول انت مين
احمد: عاوز ناريمان اكلمها في حاجه خاصه
ناريمان: ما قلتلك انا ناريمان عاوز ايه
احمد: طيب لما تيجي قوليلها اني كلمتها
ناريمان: حاضر من عيني اوصلها حاجه
احمد: انتي شغاله دليفري؟
ناريمان: اه عاوز توصلها ايه
احمد: طيب قوليلها احمد باعتلك البوسه دي
ناريمان: عيب كده بجد
احمد: وهو انا باعتهالك انتي؟
ناريمان: مع الف سلامه

(وقفلت السكه في وشه)





المشهد التالت

(بيبو...نونا)

بيبو: الانسه نونا معايا
نونا: ايوه مين حضرتك
بيبو: هاهاهاهاها
نونا: بتضحك على ايه
بيبو: اصل اول مره حد يقولي حضرتك
نونا: طيب مين انت يا عم
بيبو: ايه عم دي
نونا: مين انت يا اخينا
بيبو: الكلمه دي قديمه اووي
نونا: بجد هتصل بالبوليس المصري
بيبو: ايه يا عم الكلام القديم ده
نونا: احترم ذاتك
بيبو: هي ماما جايبه واحده من متحف الشمع ولا ايه
نونا: ثواني عشان عدسة النضاره وقعت
بيبو: كمان نضاره...ماهي لازم تقع
نونا: اشمعنى لازم تقع؟
بيبو: مقصدش ..بس من قوة وعظمة كلامك
نونا: هو انت بيبو جاري اللي ماما كلمتني عليه
بيبو: ايوه انا ماما اللي بيبو كلمك عنها
نونا: مشهد انساني غريب الاطوار بجد
بيبو: مين...ليه الغلط طيب
نونا: انت خريج كلية ايه
بيبو: انا خريج قاهره جامعة التجاره
نونا: معاك دكتوراه...ماجيستير..دبلومه حتى
بيبو: انا معايا الدبله والمحبس مش اكتر من كده
نونا: استأذنك يا استاذ بيبو عشان اخلص البحث
بيبو: يعني بذمتك بيبو ولا البحث؟
نونا: مع السلامه

(وقفلت السكه برضه)



المشهد الرابع والاخير

بيبو: انت لسه قاعد هنا من امبارح
احمد:لا عادي بس مستني واحد صاحبي
بيبو: انا جيت اهو يا مان
احمد: ايه يا باشا ازيك اتفضل
بيبو: عملت ايه مع عروستك
احمد: اتصلت بيها ملاقيتهاش
احمد: وانت عملت ايه؟
بيبو: اتصلت بيها وياريتني ما لاقيتها
احمد: طيب والعمل ايه بس
بيبو: مش عارف تيجي نهاجر
احمد: نروح 6 اكتوبر مثلا؟
بيبو: لأ بعيده اووي اووي
احمد: انا مش عايز اتجوز دلوقتي
بيبو: ومين سمعك بس يا احمد
احمد: عايز الصراحه
بيبو: انا مش بحب غيرها
احمد: هي مين؟
بيبو: الصراحه
احمد: انا كلمتها بس صوتها وحش اووي
بيبو: هسألك سؤال يا احمد
احمد: اسألني
بيبو: انا ولا البحث؟
احمد: انت طبعا..قال بحث قال
احمد: حتى الابحاث دلوقتي مالهاش امان
بيبو: اديك قلت اهووو...احييك على شجاعتك
ااحمد: ايه طريقة الكلام دي
بيبو: متاخدش في بالك
احمد: حتى البحث مش معاه فلوس يتقدم قد ما معاك
بيبو: رد موفق جدااا
احمد: قوم اطلبلنا اتنين سحلب
بيبو: اختيار رائع
احمد: انت اهبل ياض
بيبو: هتصلك بالبوليس المصري
احمد: انت هتعملهم عليا مانا ممكن اتصل بالجيش الحربي
توفيق: الحساب قبل ما اي حاجه تنزل
احمد وبيبو في نفس واحد: مش هعزمك في الفرح بتاعي

وووووووخلصت الحلقه
وووووووووومستفاحشةم


ونكمل بكره


----------------------------------------------------------------------------------------------------------------------------
جبت علشاان خاطر عيونكم الجزء الثانى
------------------------------------------------------------------------------------










المشهد الخامس
HELME.HOOXS
بيبو...نونا...في بيتها
بيبو: اهلا اهلا نورتك طبعا
نونا: النور ده جاي من سطوع القمر
بيبو: ربنا يخليكي قمر مره واحده
نونا: القمر اللي شعاعه نازل عمودي على الشباك
بيبو: فكك بقى
نونا: كلمني عن نفسك
بيبو: انا بيبو مخلص تجاره ان شاء الله
نونا: وايه كمان كمل
بيبو: بحب الأسماعيلى وحسنى عبد ربو
نونا: اهتمامات حضرتك ايه؟
بيبو: بهتم باللي يهتم بيا وساعات بهتم بالاهتمام
نونا: انت تكوينك الداخلي عنيف ولا مسالم
بيبو: بابا رد بعد اذنك
مامة نونا: قومي يا نونا هاتي العصير
بيبو: اهو كده الكلام..(بينه وبين نفسه)


لسه نونا بتقدم العصير لبيبو...الكاسات وقعت عليه

بيبو: يالهوي يالهووووووووي
نونا : انا اسفه حقيقي
بيبو: اسفه ازاي يعني
نونا: شعور لا ارادي انتابني اعصابي هربت
بيبو: ما طبعا لازم تهرب ..تعد تعمل ايه
نونا: تعرف ان رد فعلك كان مباغت
بيبو: بصي بصي وقعي كمان كاس شوفي رد ايدي بقى
نونا: انا اسفه يا استاذ بيبو
بيبو: بصراحه كده عاوز اقولك حاجه
نونا: المجال واسع للحديث اتفضل
بيبو: انتي لابسه جيبه تاخد اربعه معاكي
نونا : مش فاهمه
بيبو: كل ده كوم؟
نونا: الانسان مش بملابسه
بيبو: امال بأيه...بالكاتشب
نونا: لأ يا سيد
بيبو: سيد مين ؟
نونا: اقصد يا سيد بيبو
بيبو:طيب يلا يا بابا عشان تلحق تنام بدري عشان الشغل
باباه: لأ عادي انا بكرا اجازه
بيبو: طيب يا عمي احنا هنستأذن وفرصه سعيده جدااا
نونا: بيبو لما اخلص البحث هرن عليك
بيبو: هكون نمت...مع السلامه



المشهد السادس
HELME.HOOXS

احمد...ناريمان...والعائله...في النادي

احمد:الجو جامد طحن هنا
ناريمان: بس في زحمه اووي
احمد: ماهي دي حلاوتها ...ولا انتي ايه رأيك
ناريمان: كان نفسي نتعرف على بعض في جزيره بعيييييييده
انا وانت وسط البحر والورد والشجر
احمد: المره الجايه ان شاء الله...ده لو في مره تانيه
ناريمان: بتحب تسمع اغاني لمين اغنيلك
احمد: انتي تغني؟
ناريمان: ايوه بتحب مين؟
احمد: انتي اللي هتغني؟
ناريمان: مالك مستغرب ليه
احمد: لأ مفيش حاجه تشربي ايه
ناريمان: اشرب شاي بالقرنفل
احمد : استغفر الله العظيم
ناريمان: مالك في ايه
احمد : اطلبلك ينسون احسن يهدي الحنجره شويه
ناريمان: اللي تشوفه
احمد: كلميني عن نفسك
ناريمان: انا اللي في خيالك واللي بتحلم بيها
احمد: ماتنزلي على الارض بقى..ايه الخيالات دي
ناريمان: فاكر فيلم زبيده ثروت وعبد الحليم
احمد: اه لما مات وهي بتغنيله..اه فاكره
ناريمان: احمد
احمد: نعم
ناريمان: احمد احمد
احمد: انتي غمضتي كده ليه هتطيري ولا ايه
ناريمان: ممكن بكرا تعدي عليا بــ حصان وتخطفني
احمد: لا حول ولا قوة الا بالله
ناريمان: احمد احمد
احمد: نعم
ناريمان: احمد احمد
احمد: انا جنبك والله مش على الشط التاني انا
ناريمان: انا هنط في البيثين وانت انقذني
احمد:ده ليه
ناريمان: من زمان بحلم باللحظة دي
احمد: ولسه مغرقتيش؟
ناريمان: ايه رأيك في الطقم بتاعي
احمد: كنت لسه هقولك
ناريمان: جميل مش كده
احمد : اه ايام الثوره كان اللبس جامد
ناريمان: عرفت منين انه كلاسيكي
احمد : من ام الورد اللي عليه ده
ناريمان: شكلك حبتني
احمد : شكلي هعورك
ناريمان: انا مجنونه بيك
احمد : انتي مجنونه بنت مجانين
ناريمان: يلا يا احمد نروح الحديقه
وهووووووووووب وهما ماشيين رماها في البيثين
لكن منقذهاش...الناس قاموا بالواجب




المشهد الاخير
HELME.HOOXS

احمد..بيبو...على القهوه

احمد : عملت ايه يا مان
بيبو: انت عملت ايه
احمد : انا سألتك الاول
بيبو: زفت طبعا
احمد: انا ازفت منك
بيبو: هتشرب ايه؟
احمد: شاي بالقرنفل
بيبو: اختيارك غريب
احمد :ماتيجي نركب الحنطور
بيبو: ونروح مكتبة مبارك؟
احمد: اه وبعدها شبه الجزيره العربيه
بيبو: بيقولك العربيه في النمليه..والبحث غرق في الميا
احمد: انا هنط في كبايه الميا وخلي توفيق ينقذني
احمد ..بيبو...في نفس واحد....انت هتوافق.؟؟؟؟؟.

ونكمل بكره بس موش اكيد بكره معلش والله موش فاضى Sad




-----------------------------------------------------------------------------------------
[size=24]
الحلقه التالته




المشهد الاول

(احمد...بيبو...تامر....مجدي)

احمد: تعرف يا بيبو اني كان نفسي اتجوز واحده بحبها
بيبو: ومين سمعك يا احمد بس نصيبنا هنعمل ايه
احمد: اصلك مش شوفت هي قديمه ازاي ولا صوتها
بيبو: مهما كانت برضه ارحم من نونا دي

مجدي: يا توفيق احضر لي كوب من الشاي
مجدي: كنت بقولك يا اخ تامر عن وظيفتي
تامر: قول قول ده انا سرحت خالص
مجدي: لقد وفقني الله الى العمل في وظيفه
وبمرتب مجزي....في وزاره البحوث
تامر: اااااه اااه كمل المكان هنا كلاسيكي جدااا

احمد: انت سامع اللي انا سامعه
بيبو: ايه ده بقى ازاي كده
احمد: هي كل الناس بقت ناريمان ولا ايه
بيبو: مش معقول الناس كلها بتتكلم زي نونا
احمد: انا هتجنن
بيبو: مش معقول احنا اللي غلط
احمد: انا هروح اتصل بيها
بيبو: وانا كمان



المشهد التاني

احمد..ناريمان

احمد: هاي يا ناريمان ازيك
ناريمان: انا الحمد لله كويسه
احمد: هاي يا ناريمان ازيك
ناريمان: انجز بقى
احمد: انجز؟
ناريمان: عمال تقول ازيك ازيك وانا كنت سرحانه
احمد : عاوز اقولك على خبر هيفرحك
ناريمان: قول هاااا...انا هغمض وانت تقول
احمد: طب وهتسمعي ازاي لما تغمضي؟
ناريمان: قول بقى الله يلا
احمد: انا هأجر حصان واجليلك اخطفك
ناريمان: انت رهيب وجميل اوي
احمد: عاوزه الحصان ملون ولا ابيض واسود
ناريمان: لا انا هلبس البلوزه الملونه بتاعت تيتا
ناريمان: عاوزاه ملون
احمد: حاضر هجيبلك حصان ملون ومركب سماعات عشان نظبط
ناريمان: انا حلمت بيك امبارح وكنت شايلني في الفضا
احمد: طيب انا هأجر الحصان الاول واجيلك
وبعدين ابقى اشتري صاروخ نطلع القمر سوا بعد صلاة الجمعه
ناريمان: انت اللي انا بحلم بيه من زمان اوي
احمد: ليكي حق مانتي عايشه بقالك كتير اوي فعلا
ناريمان: هقابلك النهارده في الحلم
احمد: حاضر هجيلك في هيئه فريد الاطرش وهغنيلك
ناريمان: سلام يا حبيب الزمان
احمد: سلام يا مريم فخر الدين




المشهد التالت
بيبو...نونا

بيبو: ازيك يا نونا
نونا : انا الحمد لله بخير ومطمئن قلبي
بيبو: انا بقولك ازيك مش ازي قلبك
نونا: كيف حالك انت
بيبو: انا كويس
نونا: انت تعرف اني فكرت فيك امبارح كتير
بيبو: ميرسي يا نونا اوي..ياترى فكرتي في ايه
نونا: كنت عاوزه اصمم روبوت وقلت اخد ملامحك
بيبو: نعم يا روح ماما؟
نونا: ممكن تهدى شويه وتفهمني للأخر
بيبو: لأ انتي طالق بالتلاته
نونا: يا بيبو خليك مثقف احنا ممكن نتجوز بطريقه علميه جديده
بيبو: انا معاكي اهوو استني هلبس النضاره عشان اسمعك كويس
نونا: انا هصمم روبوت شكلك بالظبط وقصير زيك
بيبو: وخليه احول بالمره او اطرش
نونا: عصبيتك بتفقدني تركيزي
بيبو: الله يرحم ايام زيزي
نونا: ده هيساعدنا كتير في الجواز
بيبو: هو المأزون يعني ؟
نونا: ده انا ممكن اتكلم معاه لما انت تكون في الشغل
بيبو: اه يا خاينه لا انا مش موافق
نونا: انا بصمم فيه خلاص
بيبو: خلصت روحك
نونا: انت صعب بجد مع السلامه
بيبو: مع الفين سلامه




المشهد الرابع

احمد..مامته

احمد: مصحياني بدري ليه كده
مامته: النهارده هتلبس الشبكه
احمد: لا شبكه ايه انا مش عاوزها
مامته: انا مش هتكلم تاني
احمد: وانا مش عاوزها بقى ها
مامته: طيب انا هتصل بالحاج
احمد: ماما ماما انا عاوزها




المشهد الخامس

بيبو...والده

بيبو: نفسي اعرف انت صحتني بدري ليه
باباه: مزاجي كده
بيبو: لأ انا عاوز انام بقى
باباه: النهارده هتلبس الشبكه
بيبو: ده من رابع المستحيلات
باباه: كلمه واحده وهحرمك من المصروف
بيبو: انا هقوم احضر البدله



المشهد السادس

احمد...بيبو

احمد: انت هتخطب خلاص
بيبو: ماتقول لنفسك يا عم
احمد: عادي احنا ممكن نفسخ الخطوبه
بيبو: تصدق فكره
احمد : اه امال ايه
بيبو: قشطه عليك
احمد: قال نتجوز قال
بيبو: جواز مين يا عم
احمد: ده انا حتى مش بحبها خالص
بيبو: ولا انا بطيقها اصلا

احمد وبيبو في نفس واحد....اهي بترن اهي

ونكمل الحلقه الى جايه
[/size]


عدل سابقا من قبل hlmee في الأحد يونيو 01, 2008 7:56 am عدل 3 مرات
avatar
hlmee
امبراطور
امبراطور

عدد الرسائل : 431
تاريخ التسجيل : 20/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف Admin في الإثنين مايو 12, 2008 10:57 am

ههههههههههههههه شكلها قصة فكاهية أختيار موفق يا أحمد هههههههههههههه

_________________
avatar
Admin
الأدارة
الأدارة

عدد الرسائل : 690
العمر : 33
تاريخ التسجيل : 19/03/2008

معاينة صفحة البيانات الشخصي للعضو http://helme.hooxs.com

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف quiet angel في الإثنين مايو 12, 2008 4:15 pm

هههههههههههههههههههههه
جامده والله يا احمد بس هاتكمل بكره مش كمان اسبوع
avatar
quiet angel
مشرف القسم الأسلامي
مشرف القسم الأسلامي

عدد الرسائل : 469
العمر : 28
تاريخ التسجيل : 31/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف hlmee في الثلاثاء مايو 13, 2008 5:33 am

علشاان خاطرك انتى ومحمود والى متابع بس
كملت
avatar
hlmee
امبراطور
امبراطور

عدد الرسائل : 431
تاريخ التسجيل : 20/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف hlmee في الثلاثاء مايو 13, 2008 6:48 am

يارب الحلقه تعجبكم
avatar
hlmee
امبراطور
امبراطور

عدد الرسائل : 431
تاريخ التسجيل : 20/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف hlmee في الثلاثاء مايو 13, 2008 6:55 am

معلش يا جماعه انا والله موش بقصد ارخم ولا حااجه بس اعتبروها مسلسل فى التلفزيون بيجى كل اسبووع مثلا بس دا موش معناه انى هنزل كل اسبوع والله على اد مأقدر موش هتأخر
avatar
hlmee
امبراطور
امبراطور

عدد الرسائل : 431
تاريخ التسجيل : 20/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

انتا برنس يا حلمى من يومك وكمل القصة التانية وحيات ابوك

مُساهمة من طرف دراويش فون في الثلاثاء مايو 13, 2008 10:27 am


بجد انت برنس ده مشكور جدا على المجهود الرائع ده وفى انتظار المزيد

الدنيا مسألة حسابية
خذ من اليوم عبرة
ومن الامس خبرة
اطرح منها التعب والشقاء
واجمع لهن الحب والوفاء
واترك الباقى لرب السماء
مشكوووووووووور
مشكوووووووووووووووور
مشكوووووووووووووووووووووور
©§¤°
يسلموو°¤§©¤ــ¤©§¤°حلوو°¤§©
©§¤°
يسلموو°¤§©¤ـــــــــــــ¤©§¤°حلوو°¤§©
©§¤°
يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°
يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°
يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°
يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°
يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°
يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°
يسلموو°¤§©¤ـــــــــــــــــــــ رائع جدا جدا جدا جدا ــــــــــــــــــــــ¤©§¤°حلو ووو°¤§©
©§¤°
يسلموو°¤§©¤ـــــــــ يعطيك العافية والمزيد من الابداع ــــــــ¤©§¤°حلو ووو°________¤§©
©§¤°
يسلموو°¤§©¤ـــــــــــــــــــــــــــــــ ــــــــــــــــــــــــ¤©§¤°حلو ووو°¤§©
©§¤°
يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــــ¤©§¤°ح لو ووو°¤§©
©§¤°
يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
©§¤°
يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــــــــــ¤©§¤°حلو ووو°¤§©
©§¤°
يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
©§¤°
يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
©§¤°
يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
©§¤°
يسلموو°¤§©¤ـــــــــــــــــــــــــــــــــ¤© §¤°حلوووو°¤§©
©§¤°
يسلموو°¤§©¤ـــــــــــــــــــــ¤©§¤°حلوووو°¤§ ©
©§¤°
يسلموو°¤§©¤ـــــــــــــ¤©§¤°حلوو°¤§©
©§¤°
يسلموو°¤§©¤ــ¤©§¤°حلوو°¤§©
مشكوووووووووووووووووووووور
مشكوووووووووووووووور
مشكووووووووو
avatar
دراويش فون
مشرف الألبومات
مشرف الألبومات

عدد الرسائل : 107
العمر : 35
تاريخ التسجيل : 11/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف hlmee في الأحد يونيو 01, 2008 7:49 am

الحلقه الثالثه وصلت ياشباب
avatar
hlmee
امبراطور
امبراطور

عدد الرسائل : 431
تاريخ التسجيل : 20/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف emily في الإثنين يونيو 16, 2008 6:40 pm

جميلة يا حلمي تضحك بجد ميرسي كتير Smile
avatar
emily
نجمة المنتدى
نجمة المنتدى

عدد الرسائل : 487
العمر : 28
تاريخ التسجيل : 30/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصه جديده يارب تعجبكم( مغامرات احمد وبيبو)

مُساهمة من طرف دراويش فون في السبت يونيو 21, 2008 5:34 am

مرسى يا حلمى كتير على المجهود الجبار دة
بس قصة واحد وخطيبتة احلى
avatar
دراويش فون
مشرف الألبومات
مشرف الألبومات

عدد الرسائل : 107
العمر : 35
تاريخ التسجيل : 11/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى