شويه اساله رجالىتانيه لو اتحرجت المرة اللى فاتت مفيش داعى تتحرج المرة دى كمان..

استعرض الموضوع السابق استعرض الموضوع التالي اذهب الى الأسفل

شويه اساله رجالىتانيه لو اتحرجت المرة اللى فاتت مفيش داعى تتحرج المرة دى كمان..

مُساهمة من طرف memories في الأربعاء يوليو 16, 2008 7:11 pm

تاسع عشر: انت ليه رغم انك عارف واجباتك كلها الا انك بتطنش عليها لحد ما مراتك تتخانق معاك عشان تعملها؟ مين اللي عودك انك ما تعملش الواجب غير لما تتهدد؟ ماما صح؟


عشرين: انت ليه بتعمل بالونات اختبار مع مراتك؟ ليه تجرب تتغدى برا مثلا عشان تشوف ح تعمل ايه لو سكتت يبقى بكرة تتغدى وتتعشى برة لو اتخانقت يبقى تاخدها من قصيرها وتشوف ممكن تخطط لها في ايه تاني؟ ليه طول الوقت محسس مراتك انها كل يوم لازم تصحى تتنمر لك عشان انت دايما ناوي لها على نية سودا؟ وليه مش بتيجي دوغري وتقول لها انا عايز اتغدى برة النهاردة؟ مين اللي عودك على المرواغة عشان تاخد حاجة انت عايزها؟ ماما صح؟


طيب ممكن تسيب كلام ماما شوية لو سمحت وتبص لي هنا؟
عشان بس تبقى فاهم عاطفة الامومة بتشتغل ازاي، الامومة بترتبط بتغيرات كميائية في الجسم والمخ بتغير الشخصية، فيه حاجة اسمها اكتئاب حمل، وفيه حاجة اسمها رهاب حمل، وفيه حاجة اسمها رهاب ولادة وفيه حاجة اسمها ذهان ما بعد الولادة واكتئاب ما بعد الولادة وهيستيريا ما بعد الولادة، وتطلب زي ما تطلب بقى، فيه ام تلاقيها اول شهر خايفة على ابنها بشكل مرضي، فيه واحدة تبقى خايفة من ابنها نفسه، فيه واحدة يجيلها ضلالات فيه واحدة تبقى خايفة السقف يقع على ابنها فيه واحدة يتهيالها ان جوزها عايز يخطف الواد فيه واحدة تقعد تعيط من غير سبب وهكذا
يعني باختصار عاطفة الامومة مرتبطة من بدايتها بالجنان
تقدر تقول وانت مرتاح بشكل عام الامومة هي عبارة عن واحدة مهبوشة بتشوف في ابنها او بنتها حاجات مش موجودة وخنفسة شافت ولادها على الحيط قالت لولي في خيط
ده غير شوية ظروف اجتماعية خلت ماما تعمل حاجات غلط في التربية وماما كبرت دلوقت وما يصحش نحاكمها ونقول لها ربيتي الرجالة غلط، واحنا دلوقت بقينا كبار وعاقلين والمفروض اننا نبوس ايد ماما ونحاول اي حاجة غلط فينا نصلحها صح؟
وللا انت ح تفضل سخطة كده على طول؟ عايز تفضل سخطة يبقى تتعامل كسخطة وما تعمليش راجل بقى


واحد وعشرين: ليه بتحب تاخد كل حاجة وما تدفعش تمن حاجة؟


اتنين وعشرين: انت ليه بتحب تستغبى وتستهبل نفسك؟ ليه بتسأل البنت اللي ح ترتبط بيها انت حبيتي قبلي وللا لا وانت عارف ومتأكد انها ح تكدب عليك؟ ليه لما مراتك تقول لك رأي فتسفهها وتقول لها: اسكتي انت مش فاهمة حاجة انا ح اقول لك بقى الكلام المظبوط وتروح عايد الكلام اللي هي لسة قايلاهولك تقوم هي تضحك عليك وتقول لك: تصدق معاك حق فعلا انا ما كنتش واخدة بالي خالص...عشان لو قالت لك يا اهبل ما انا قلت لك كده ح تزعل فلازم تحسسك انك جايب التايهة وانت عارف انك لا جبت ولا وديت..هو انت اهبل بجد؟


تلاتة وعشرين: ليه تفضل تجري ورا واحدة وتمشي تكلم نفسك طول ماهي دلقاك واول ما تحبك تعمل فيها هيركليز وتديها على دماغها؟ وليه ما بتحسش بقيمة اللي في ايدك غير لما يروح منك؟


اربعة وعشرين: ليه بتحب تشيع وسط الناس ان مراتك بتغير عليك مع ان انت اللي بتتصرف تصرفات تشككها فيك...وبعدين تمشي تشتكي قال يعني متضايق؟


خمسة وعشرين: عارف حجم الالم والاسى وعمق الجرح اللي بتسببه لمراتك لما تقارنها بست تانية؟ حتى لو بصيت في التلفزيون وقلت لها شايفة الستات؟ جتنا نيلة في حظنا الهباب...عارف؟ عمرها ما بتنسى الكلام ده لحد ما تموت، وعمرها ما بتسامحك حتى لو كدبت عليك وقالت لك انها مسامحاك.


ستة وعشرين: انت ليه لما بتشوف واحدة لابسة محزق وللا قصير وعينك ح تطلع عليها طول ما انت باصص لها تفضل تشتم فيها وتقول عليها: سفالة...انحطاط...حقارة..ماهو يا اما هي سافلة ومنحطة يبقى لو سمحت دور وشك يا اما المزة عاجباك اتفرج وانت ساكت


سبعة وعشرين: هي ايه حكاية فرحك بكلمة: الست بتتحكم فيها العواطف...الست عاطفية بطبعها انما الراجل لا...هو انت الابعد فرحان ان الناس بتقول عليك حلوف وما عندكش دم ولا احساس؟ مين اللي قال لك ان الراجل المفروض يبقى من غير عواطف؟
والله العظيم انا مقدرة الازمة النفسية اللي اتسببت فيها ماما لما جيت تعيط وانت عندك خمس سنين فقالت لك: وبعدييييييييين الراجل ما يعيطش
بس احنا اتفقنا انك كبرت بقى
واحب اقول لك ان العاطفة هي ارقى حاجة عند الانسان والمفروض انها في الراجل والست، وانها هي اللي بتخلي البني ادم عنده انسانية ورحمة وعدالة وانها ارقى من التفكير المجرد لان الكمبيوتر بيفكر تفكير مجرد لكن الانسان هو اللي عنده عواطف
وبعدين بقى الست بتفكر بعواطفها...طب والراجل بيفكر بايه؟

تحب اقول لك ايه وللا مافيش داعي نقبح؟

على فكرة ابقى خلي بالك لما تبقى مريل على واحدة عشان شكلك بيبقى باين قوي...وباااااااااييييييييييييييخ

امسك نفسك شوية


تمانية وعشرين: انت ليه وانت داخل البيت مش بتبص في وش مراتك اصلا؟ وترجع تقول مش مهتمة بنفسها؟ طيب ما انت مش شايفها خالص سواء اهتمت وللا ما اهتمتش انت مش فارق معاك، وليه مكشر في وشها؟
ما تقوليش راجع من الشغل تعبان..انت بتقعد في الشغل تضحك مع دي وتهزر مع دي وتعاكس دي وتتكلم مع دي وتسمع مشاكل دي...كل دول ستات ومراتك هي اللي بدقن وشنب؟
====
اخيرا : ايه حكاية تعدد الزوجات اللي انتوا كلكوا ماسكين لي فيها؟ مش لما تعدل مع واحدة تبقى تفكر في التانية؟ وبعدين هو انت مش طفل يا بطة؟ ومراتك هي الام يا صغنن؟ فيه عيل يبقى عنده 2 وللا 3 وللا 4 ماما؟

ملحوظة: انت ليه متضايق من الكلام ده؟


avatar
memories
عضو جديد
عضو جديد

عدد الرسائل : 56
تاريخ التسجيل : 17/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شويه اساله رجالىتانيه لو اتحرجت المرة اللى فاتت مفيش داعى تتحرج المرة دى كمان..

مُساهمة من طرف عمرو غيضان في الأربعاء يوليو 16, 2008 8:04 pm

السلام عليكم
لالالالا انتى على فكره متحمله جدا على الرجال مع ان سبب بلاء الرجل المراه وبعدين فى شباب صادق وفتيات صادقات ليه بتقولى ان البنت هتكذب وتقول انها مارتبطتش معنى كده ان كل البنات كاذبات
avatar
عمرو غيضان
مشرف القسم الطبي
مشرف القسم الطبي

عدد الرسائل : 152
تاريخ التسجيل : 22/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شويه اساله رجالىتانيه لو اتحرجت المرة اللى فاتت مفيش داعى تتحرج المرة دى كمان..

مُساهمة من طرف quiet angel في الخميس يوليو 17, 2008 1:35 pm

طيب ممكن يا دكتور اعرف ليه المراه سبب بلاء الرجل
بس اكيد مش كل النساء
وراء كل رجل عظيم امرأة عظيمه
بس بصراحه فعلا يا memories انتى ممكن تكونى متحامله شويه على الرجال لان بجد فى نماذج مشرفه جداا وبتحب زوجاتهم جداا
بس شكراااااااااا على مواضيعك بجد عضو نشيط جدا ويارب كده دايماا
[img][/img]
avatar
quiet angel
مشرف القسم الأسلامي
مشرف القسم الأسلامي

عدد الرسائل : 469
العمر : 28
تاريخ التسجيل : 31/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شويه اساله رجالىتانيه لو اتحرجت المرة اللى فاتت مفيش داعى تتحرج المرة دى كمان..

مُساهمة من طرف عمرو غيضان في الخميس يوليو 17, 2008 6:46 pm

السلام عليكم
انا شايف هجوم ضارى وعنيف عن الرجل بس ياجماعه مانقدرش نهاجم على كل الرجال كده لان الانسان المتدين والمتربى والمثقف مايعملش الكلام ده ويمكن يعمل لكن السبب الرئيسى المراه لان المراه مهما وصلت لمراتب علميه بيكون دماغها صغير وتفكيره فى مواقف معينه محدود ومنذ الخليقه ومنذ خروج ادم من الجنه بسبب حواء وسبب بلاء الرجل المراه
avatar
عمرو غيضان
مشرف القسم الطبي
مشرف القسم الطبي

عدد الرسائل : 152
تاريخ التسجيل : 22/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شويه اساله رجالىتانيه لو اتحرجت المرة اللى فاتت مفيش داعى تتحرج المرة دى كمان..

مُساهمة من طرف Admin في الأربعاء أغسطس 27, 2008 6:45 pm

أسمحولي أقول رأي بصراحه انا شايف ان في رجاله وحشه كده بس بردو في رجاله كويسين جدا لكن بردو بيعملو كده تعالو ندور على السبب هنلاقي ان ده بيكون ان الست بتكون غبيه جدا انا شايف ان الست الذكية هي اللي تحافظ على الراجل الكويس وتخليه ميزهقش وتحسسو ان كل حاجه كويسه بيعملها ليهاتمن مش تحسسو انو لما يعملها كويس زي لما يعملها وحش ان رأي ان الموضوع محتاج ست زكية تحتوي الراجل

_________________
avatar
Admin
الأدارة
الأدارة

عدد الرسائل : 690
العمر : 33
تاريخ التسجيل : 19/03/2008

معاينة صفحة البيانات الشخصي للعضو http://helme.hooxs.com

الرجوع الى أعلى الصفحة اذهب الى الأسفل

رد: شويه اساله رجالىتانيه لو اتحرجت المرة اللى فاتت مفيش داعى تتحرج المرة دى كمان..

مُساهمة من طرف semsema في الجمعة أكتوبر 10, 2008 5:21 pm

ههههههههههههههههههه
بجد الموضوع جامد
هو بيعبر عن واقع مؤلم وحقيقى بس بطريقه مضحكه
ميرسى يا memorize على الموضوع الجامد ده
avatar
semsema
عضو نشيط
عضو نشيط

عدد الرسائل : 124
العمر : 29
تاريخ التسجيل : 28/09/2008

بطاقة الشخصية
ألعب: 2

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى