قصة سندريلا 2008 (هى هى هى هيه)

من طرف Nanno الخميس يوليو 24, 2008 5:05 pm

السلام عليكم ورحمة الله وبركاتة قصة سندريلا 2008 (هى هى هى هيه) 36_1_39

انهاردة جبت قصة سندريلا العصرية 2008 قصة سندريلا 2008 (هى هى هى هيه) 36_11_6

مرات الاب : بت يا سندريلا اصحى يا بت جاتك خابطة فى نفوخك
سندريلا : اييييه يا مرات ابويا هقوم عالخمسة ...
مرات الاب: قومى يا بت قامت قيامتك ...
وصحيت سندريلا وهي بتأفأف... قصة سندريلا 2008 (هى هى هى هيه) 36_1_50

مرات الاب : يالا قومي اكنسـي وامسحي على ما نيجي
سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامييير اللي حيختار واحده عشان يتجوزهـا
سندريلا : خدونى معاكو انا عاوزة اروح بليز
مرات الاب : تروحي فين يا موكوسة بلبسك المهرول ده انا عايزة ارجع الاقي ....البيت بيبرق
ومشيت مرات الاب وبناتها الاثنين وقعدت سندريلا تعيط
وفجأة طلعتلها الساحرة من الميكروويف
الساحرة : مالك يا سندريلا
سندريلا : كان نفسي اروح معاهم الحفلة بس لبسي مقطع و موبايلى كارت ولابسة.... شبشب بصباع
الساحرة : ولا يهمك
وطلعت الساحرة من جيبها الموبايل قصة سندريلا 2008 (هى هى هى هيه) 36_13_1

وطلبت رقم الفون بتاع مدام لولو يبعتو فستان وجزمة اخر " موديل"
فرحت سندريلا ولبست وحطط الايشادو والجليتور ورشت البرفان .... !!! قصة سندريلا 2008 (هى هى هى هيه) 36_1_41

بس الساحرة قالتلها : قدامك للساعه 12 لازم ترجعي انا صعيدية ودمى حامى ومعندش بنات تتأخر
و لو اتأخرتى حترجعي زي ما كنتي بلبسك القديم وسط الناس
سندريلا : حاضر حاضر
خرجت سندريلا من البيت لقت الساحره مجهزة bmw
ركبت سندريلا وراحت ع القصـر ولفت جمـالها كل اللي موجودين
واول ما عين الامير وقعت عليها راح وطلب يرقص معاها ووافقت
نظرات ... همسات ..... صمــت ....... ترررررررررن ترررررررررررن
سندريلا : ده الساحره بتديني ماسيج .. يا خبر الساعة 12وقامت طالعة تجري قام ايه ؟؟وهي بتجرى فردة الجزمة اتخلعت ، خدها الامير المعجب ونادا للوزير
الامير : يا وزير تامر
الوزير : امرك مولاي
الامير : خد الجزمة دي اسحبلي صورتها اسكانر ونزل صورتها في كل الجرايد و ع الويب سايت بتاع قريتنـا
واكتب الى صاحبة هذه الجزمة التوجهة للقصـر الملكي .... ؟؟؟
بنات كتير جدا راحو و يا سبحان الله الجزمة مجتش على مقاس حد فيهم (قال يعنى سندريلا رجليها رجل معزة )
الى ان شاهدت سندريلا الاعلان عن فردة الجزمة على ميلودي وقامت بالتوجه الى القصر وتزوجت هي والامير
وعاشو فى تبات ونبات وخلفو توأم ملتصق وشويه بنات .....

قصة سندريلا 2008 (هى هى هى هيه) 36_11_6