لـو الشــاى مـش مظبــوط تعمــل ايـه ?????????

كتير اوى مش بقلب الشاى كويس ، واجى اشربه الاقيه مش مسكر ومش مظبوط ، وبكسل اجيب سكر تانى

فبضطر اشربه كده .. اللى بيضايقنى بقى انى بعد ما اخلص شرب الشاى بلاقى السكر مركون تحت فى الكوباية

يعنى لو كنت قلبت شوية كان زمانى شربت شاى مظبوط

تعال كده نفصص المشكلة دى

اول حاجة المشكلة ايه

( انى ما عرفتش اشرب شاى مظبوط )

طيب وايه السبب ؟

انى ما قلبتش الشاى كويس وانا بعمله

(( يعنى استهترت وانا بعمل الحاجة ))

انى كسلت اجيب سكر تانى

(( يعنى اتكاسلت عن حل المشكلة رغم انها فى ايدى ))

طيب والنتيجة ايه
النتيجة انى ما استمتعتش بالشاى

وانى ضيعت مجهودى وما وصلتش للنتيجة اللى عايزها
_____________________________

عارفين ان كلنا بنعمل الحركة دى بطرق مختلفة ؟؟

كتيييييييييييييييييير اوى بنستهتر واحنا بنعمل شغلنا
وكتيييييييييييييييييير اوى بنكسل نحل المشاكل رغم ان حلها فى ايدينا

وبعد دا كله نندم وندور على حلول صعبة ومتعبة رغم ان الحل اصلا فى ايدينا وجوا الكوباية

علشان كده علشان خااااااااااااااااااطرى اضغط على نفسك وابقى قلب كويس

قلب كويس واعمل كل حاجة كويس

حتى لو تعبت فى الاول بس صدقنى النتيجة هتفرق كتير