عروسه من غير شبكه!!!!!!!!!

السلام عليكم ورحمه الله وبركاته

انا النهارده جايه اتكلم معاكوا فى موضوع مهم ومحتاجه رايكوا هو يمكن الموضوع بناتى اكتر بس مفيش مانع من مشاركه الشباب

ايه رايكو يا بنات ممكن تكونى عروسه من غيييييييييييير شبكه يعنى توافقى يجيلك عريس يعنى ممكن يجبلك حاجه بسيطه زى خاتم وحاجه صغننه هديه كده مع الدبله وطبعا احنا عارفين ظروف الشباب

ولا هتقعدى الدنيا وتقولى ابدا انا مش اقل من كوكى بنت طنط فتكات اشمعنه هى جالها شبكه بعشره مليون جنيه وانا لا انا مش اقل من حد هى يعنى احسن منى فى ايه

ولا عشان الظروف الواحد فيها ممكن تتغاضى عن الموضوع ده وتوافقى بحاجه بسيطه فى الاول وبعدين ربنا يكرمكوا مع بعض

ها ايه رايكوا يا بنات توافقوا

وانتو يا شباب لو اختك جالها عريس مش هيجبلها شبكه بالالاف هتوافق عليه ولا هتقعد الدنيا وتقول لا

محتاجه اعرف رايكوا يا جماعه شاركونى عشان ده موضوع مهم

يالا مستنيه مشاركتكم معايا

سلام

والله انا شايف ان لو ليا أخت ياسمسمه وجلها عريس لازم يجبلها شبكه يعني متكنش أكتر من 4 ألاف ده لو ظرفو فعلا ملخبط بس لازم يعني عشان لازم الراجل يحس انو بياخد حاجه غاليه لأن اللي بيتاخد بالرخيص بيتباع برخيص

اكيد طبعا
انت كده احسن من غيرك 4000 جنيه مبلغ معقول
فى ناس بتطلب طلبات غريبه ساعات ممكن يوصلوها لعشره الاف شبكه
وهو فى شاب يقدر دلوقت على طلبات الاهل التعجيزيه دى خصوصا فى ظروف الاقتصاد اللى بقت فى النازل
انا شايفه ان لازم يبقى فى شبكه وفى نفس الوقت بعتبرها هديه العريس للعروسه
وخصوصا لو كان انسان محترم الناس لازم تساعد بعض ويحسوا ببعض
ميرسى على المشاركه

ياسمسمه البنت لو اتقدملها الي بيخبها اكيد هتوافق من غير اي حاجه المشكله بتبقي في الاباء وبالذات الامهات ولو سمعتي اي شيخ دلوقتي هتلاقيه بينادي في كل محاضره ليه خففوا عن الشباب سواء بنت او ولد لان الطلبات مش شرط دهب وخلاص
وزي ماالرسول صلي الله عليه وسلم قال فيما معناه يعني ان اي حاجه العريس بيجبها لعروسته (دهب هدايا)كده يعني بيغلي من عروسته امام الجميع وبيرفع من شانها وعي راي محمود الرخيص يتباع بالرخيص
بس4000دلوقتي بصراحه يعني مايعملوش حاجه الجرام بـــ160جنيه لو حسبتوها علي الخاتم والدبله وكده اكتر طبعا
بس شايف ان الولاد بس هم الي ردوا ليه خير يعني يابنات
شكرا ياسمسمه علي الموضوع الهايل ده

انا نفسى طبعا البنات يشاركونى فى الموضوع ده
بس انا بقول لازم طبعا يبقى فى شبكه بس فى حدود المعقول
المعقول ده بيختلف من شخص للتانى حسب مستواه الاجتماعى
والبيئه اللى هو عايش فيها
يارب كل البنات تتجوز ونخلص بقى هههههه

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب والولاد كمان ياااااااااااااااااااااااااااااارب علشان بجد كده كفايه هههههههههههههههههههههه

انا ياسمسمه معاكى اولا لان الشبكه دى هديه من العريس وبعدين اكيد لو بيحبو بعض ده اغلى من اى شبكه وفعلا لو فكروا فى الاساس هيوصلوا مع بعض وربنا يكرمهم وانا واحده معنديش اى مانع ولا هتشرط زى ناس كتير لان ربنا وحده اللى عالم بظروف الشباب ومش معنى ان واحده ترضى بالقليل انها رخيصه بالعكس لان لو بينهم حب هيكونوا من اغنى الناس لان اكتر حاجه الناس مفتقدها دلواتى الحب والتفاهم.

الله عليكى يا مانو
هو ده الكلام
ديما كده ناصفانى
ميرسى يا قمر على ردك

ياسمسمه لاشكر على واجب بجد انا اى كلمه بقولها لازم اكون حساها وبعدين ربنا يكرمنا كلنا

يا سمسمه لو بتحبوا هتتنازل عن اى حاجه ومش هاتفكر لا فى شبكه هاتبقى فعلا مبسوطه مكتفيه بدبله منه انها تحس انها معاه ادام الناس

انا من رايي انه لو الشاب ده داخل معاه شقة ومجهز نفسة اكيد حرام علينا ان احنا ناخد منه شبكة لانه اكيد طلع عينه في الحاجات التانية
اما لو كان داخل كدة فاضي ويارب يسهلنا هطلب من شبكة لاختى لانه داخل علي الهوا
دا رايي

بصرااحه مفيش رد تانى بعد كلام مانو وانجل هوا دا الكلام المعقول وفعلا مادام بيحبوا بعض دى اغنى حاجه فى الدنيا بس اكيد العروسه لو طلبت عين العريس مادام يعنى بيحبوا بعض هيجبهلها حتى لو اكل التراب حتى لو مش دلوقتى بعدين