ازاى تـخـلـى الـشـبـاب يحـتـرمـوكـى

استعرض الموضوع السابق استعرض الموضوع التالي اذهب الى الأسفل

ازاى تـخـلـى الـشـبـاب يحـتـرمـوكـى

مُساهمة من طرف taison في الأربعاء أبريل 23, 2008 11:29 am

السلام عليكم ورحمة الله وبركاته

الموضوع ده يهم بناااااااات كتير جدا وخاصة اللى منهم فى الجامعه او اللى لسه حيدخلوا الجامعه وهو يخص جميع البنات وعلاقتهم مع الشباب عموما فى اى مجال

"الاحترام"

اهم حاجه لازم البنت تتميز بيها وفى الموضوع ده احب اقدم نصايح تخلى البنات تجبر الشباب على احترامها

اولا::

نبدأ اولا بمظهر البنت شكل البنت يعنى طريقة اللبس اول ما بيلتفت اليه الشاب شكل لبس البنت وطبعا مش قصدى انه يكون غالى ومن افخم الملابس والازياء الباريسيه ولا تكون البنت لابسه اكسسوارات بالشئ الفلانى لا قصدى على احترام البنت فى ملابسها سواء محجبه او غير محجبه يعنى متكونش لابسه حجاب ولبسها ضيق او لابسه جيبه قصيره او تكون مش محجبه ومنعكشه شعرها وعملاه بالجل كل ده بياثر فى طريقة معاملة الولد للبنت وحتى ان كان بيقول انا ميهمنيش المظهر بس خليكوا واخدين بالكم ان معظم الولاد بياخدوا بالهم من النقط الصغيره دى وتلقائيا ممكن تلاقى التعامل بعد كده بيتغير ويقل الاحترام
وطبعا اللبس مش دليل على احترام البنت الكامل لنفسها لاننا بنشوف بنات لابسه لبس اخر احترام وواقفه تهزر او تتكلم باسلوب مش ظريف مع الشباب

ثانيا::

دى حاجه بقى ممكن البنات متاخدش بالها منها وهى هزارها او طريقتها فى الكلام مع البنات صحابها يعنى تقف وتضحك بصوت عالى اوى وتهزر ويكون حواليها شباب وناس كتير فبكده اى شاب حيشوفها اكيد حيقول انها مش محترمه ، يعنى راعى دائما يكون اسلوبك فى الهزار ظريف ولطيف ويليق بيكى كبنت وعامة كثرة المزاح بيضيع هيبة واحترام البنى ادم

ثالثا::

نيجى بقى على طريقة كلامك مع زميلك اولا بلاش الصوت العالى ثانيا حاولى دائما تتكلمى مع اى شخص باحترام وادب وحتى ان كنتى بتشوفى الاخرين بيسخروا منه يعنى ببساطه تكونى بتتعاملى بذوق مع الكل

رابعا::

دايما تحطى قواعد وحدود مع اى حد يتعامل معاكى وخااااااااااااصة فى موضوع الهزار احذرى الهزار مع الشباب وخاصة ان الشباب اصلا فى تعاملهم بيحبوا يضربوا بعض فى الهزار يعنى لازم تحافظى على احترامك وتضعى حدود فى التعامل من الاول واذا كنتى خجوله واتحطيتى فى الموقف ده غصب عنك لازم تاخدى موقف وتبصيله بصه بشذر كده ولا تعبريه حتى وان جه يتاسف تأنبيه وتفهميه انك انسانه بتتعاملى معاه باحترام ومتقبليش الهزار بالاسلوب ده

خامسا ::

انتى اه فى فتره الشباب ولازم تتفسحى وتخرجى بس حاولى ان لو حتخرجى مع اصحابك بنات وشباب(يعنى الجروب بتاع اليومين دول)
تحاولى ان ميكونش كلامك مع واحد فقط عشان متلفتيش الانظار عليكى ويتكلموا ولاحظى ان سمعتك هى اللى بتعطيكى الاحترام

واخيرا لكم منى كل الاحترام وتمنياتى ان الموضوع يفيدكم

ورجاءا ان اى حد من الشباب او البنات اللى هيقروا الموضوع لو عندهم اى تعليق او اى ملاحظات او اى اضافه يضيفوها على الموضوع على طول
واتمنى منكم الردود

_________________
avatar
taison
مساعد مدير
مساعد مدير

عدد الرسائل : 897
العمر : 30
تاريخ التسجيل : 27/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ازاى تـخـلـى الـشـبـاب يحـتـرمـوكـى

مُساهمة من طرف عصام البنا في الأربعاء أبريل 23, 2008 4:12 pm

بس خليكوا واخدين بالكم ان معظم الولاد بياخدوا بالهم من النقط الصغيره دى وتلقائيا ممكن تلاقى التعامل بعد كده بيتغير ويقل الاحترام
اسف ياباشا على اعتراضى الصغير على النقطة دى فى اول نصيحة عشان البنت بتجبر الولد على التعامل معاها مش بلبسها بل بطريقتها وفى بنات بيبقوا العكس تبقى لابسة محترمة وتلاقى مافيش اى احترام بينها وبين ولد عمرها ماكانت باللبس
وتهزر ويكون حواليها شباب وناس كتير فبكده اى شاب حيشوفها اكيد حيقول انها مش محترمه
انا شايف ان البنت تبقى على طبيعتها بس لو متهزرش عشان فى ولاد فالجامعة كلها ولاد يعنى هتفضل مكشرة على طول ويجيلها حالة نفسية
شكرا لحسن استماعكم لردى ويارب ماكنش طولت عليكم
شكرا خاص لتايسون ولمواضيعوا المميزة

_________________

الدنيا لو هتيجي هتيجي لوحدها
في ناس بتسيبها تيجي وناس بتروحلها
لا فرح دايم فيها ولا حزن دايم
يعني لا تزعل عليها ولا تزعل منها
avatar
عصام البنا
مساعد مدير
مساعد مدير

عدد الرسائل : 284
العمر : 33
تاريخ التسجيل : 22/03/2008

بطاقة الشخصية
ألعب: 2

معاينة صفحة البيانات الشخصي للعضو http://www.helme.hooxs.com

الرجوع الى أعلى الصفحة اذهب الى الأسفل

رد: ازاى تـخـلـى الـشـبـاب يحـتـرمـوكـى

مُساهمة من طرف hlmee في الجمعة أبريل 25, 2008 1:37 am

وانا بأيد عصاام وميرووو
avatar
hlmee
امبراطور
امبراطور

عدد الرسائل : 431
تاريخ التسجيل : 20/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ازاى تـخـلـى الـشـبـاب يحـتـرمـوكـى

مُساهمة من طرف quiet angel في الأحد مايو 04, 2008 4:41 pm

الهزار مش عكسه انها تكشر بس فعلا البنت لازم لو هاتتعامل مع شباب لازم تعمل حدود جامده جدااا حتى لو الولد ده محترم عموما التعامل بينهم لازم يكون باحترام وحدود
موضوع هايل ومفيد يا ميرو
avatar
quiet angel
مشرف القسم الأسلامي
مشرف القسم الأسلامي

عدد الرسائل : 469
العمر : 28
تاريخ التسجيل : 31/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ازاى تـخـلـى الـشـبـاب يحـتـرمـوكـى

مُساهمة من طرف cute mano في الأحد يونيو 22, 2008 5:22 pm

بجد عندك حق فى اللى قلته يابرنس بس فعلا البنت وتربيتها هى اللى بتحكمها وبتحكم الشباب فى معاملتهم معاها فلو البنت متربيه وعارفه ان فى فرق بين البنت والولد لازم هتعرف تتعامل واللى مبتعرفش تتعامل تبعد علشان الغلط فى الاخر هيجى عليها.
avatar
cute mano
جنرال ممتاز
جنرال ممتاز

عدد الرسائل : 317
العمر : 29
تاريخ التسجيل : 31/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ازاى تـخـلـى الـشـبـاب يحـتـرمـوكـى

مُساهمة من طرف emily في الثلاثاء يونيو 24, 2008 7:14 am

والله كلامك صح يا ميرو البنت لازم تاخد بالها من كل الحاجات دي وحكاية اللبس ده تكميلي عشان تزيد فنظر الولد انها محترمة
avatar
emily
نجمة المنتدى
نجمة المنتدى

عدد الرسائل : 487
العمر : 28
تاريخ التسجيل : 30/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى