جدووووووووووو تامر, جدو كوول طحن

helme :: نكت :: نكت

اذهب الى الأسفل

جدووووووووووو تامر, جدو كوول طحن

مُساهمة من طرف Sayco في الإثنين أبريل 28, 2008 11:30 am

المكان : اى حتة فى مصر
الزمان : يوم من ايام عام المستقبل فى 2080
الشخصيات : جدو تامر وحفيدته



الحفيدة:جدو تامر ازيك..حلو اوى البدى اللى انت لابسه دة بس دة موضة قديمة اوى اوى ياجدو

الجد :يا بنتى انا راجل دقة قديمة وبالبس زى ما جيلنا اتعود وحسب التقاليد القديمة بتاعتنا

الحفيدة:ايوة بس مش حاسس انك مخنوق وانت لابسه؟

الجد: ابدا دة اللبس المحتشم اللى مفروض الكل يلبسه ويحافظ عليه..فين ايام زمان لما كنا بنلبس البدى اللى مبين البطن والظهر مع البنطلون الاسترتش والجوانتى الجلد كانت حاجة اخر روشنة

الحفيدة:يااااااااه يا جدو دة انتوا كان ليكم تقاليد غريبة خالص

الجد: وهو انت فاكرة ان ايامكم دى ايام؟يابنتى ايامكو دى مايعلم بيها الا ربنا..فين ايام سنة 2000 هو الواحد فينا كان يستجرى يشرب سيجارة البانجو قدام ابوه..طب دة الدنيا كانت تتقلب ساعتها وما تتعدلش..امال ايه؟كان فيه حاجة اسمها اخلاق

الحفيدة:معقول يا جدو؟للدرجة دى؟

الجد: امال انتى فاكرة ايه؟وبعدين كانت الست من دول ما تلبسش اللبس الخليع بتاع اليومين دول..يعنى الجيبة كان لا يقل طولها عن شبر ونص باستمرار مش زى دلوقتى

الحفيدة:ياخبر..وايه كمان يا جدو؟

الجد:حقول لك ايه ولا ايه؟..يعنى خدى عندك مثلا..زمان كنا نسمع الطرب الاصيل لمطربين حقيقيين زى محمد فؤاد وعمرو دياب وكانت الاغنية مدتها اكتر من دقيقتين من الطرب الاصيل والموسيقى الهادية الراسية اللى تعمر النافوخ بصحيح

الحفيدة: وايه كمان يا جدو؟

الجد:احلى ايام بقى كانت ايام الدراسة الفصل على ايامنا كان رايق وعدد التلاميذ فيه لا يمكن يكون اكتر من 80 تلميذ وكنا ساعتها بنعرف نفهم الدرس كويس ومش زى دلوقتى..وكانت الشوارع فاضية لان مصر كلها كان تعدادها مش اكتر من 75 مليون تخيلى بقى الروقان اللى كنا فيه!؟

الحفيدة :معقول 75 مليون بس

الجد: امال ايه..علشان كدة كانت كل حاجة رخيصة يعنى مثلا كيلو اللحمة يوم مايضربه الدم كان بيبقى ب35 او 40 جنيه وكان اتخن جوز جزمة ب500 جنيه والواحد كان يقدر يشترى شقة تمليك ب150 الف جنيه وكان الدولار بخمسة جنيه بس تخيلى بقى؟

الحفيدة: ايوة ماهو كان الجواز على ايامكوا سهل خالص خالص

الجد: طبعا دة احنا الواحد مننا كان بمجرد ما يوصل سنه 35 سنة يبتدى يفكر فى الجواز علطول..يا بنتى احنا على ايامنا كان لا يمكن البنت تتاخر برة البيت عن الساعة اربعة صباحا طب دة باباها كان ممكن ساعتها يخاصمها

الحفيدة: دة انتوا كنتوا متزمتين اوى يا جدو

الجد: يا بنتى احنا اتربينا على الاخلاق والفضيلة والعادات والتقاليد.يعنى مثلا كان اهل الفن محتشمين جدا كانوا دايما بيطلعوا بالمايوهات البكينى وكان لايمكن التليفزيون يذيع حاجات زى اللى بيزيعها دلوقتى وكان المذيعات بيقعدوا جنب الضيف مش على رجله زى...هيييي ييييييييييييييييييييييييييييه الله يرحم دى ايام كان فيها خير ......

الحفيدة: رايح فين يا جدو؟


الجد : اصلى كنت موصى الجزار على اتنين كيلو لحمة وكان واخد منى 4 الاف جنيه عربون وعايز اروح اطمن اذا كانت اللحمة وصلت ولا لا..يلا سى يو


______________________________________________________________________________
Sayco

_________________
((((((:I'm Back:))))))


avatar
Sayco
مشرف عام
مشرف عام

عدد الرسائل : 352
تاريخ التسجيل : 18/04/2008

بطاقة الشخصية
ألعب: 2

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جدووووووووووو تامر, جدو كوول طحن

مُساهمة من طرف عصام البنا في الإثنين أبريل 28, 2008 5:33 pm

ياساتر لاياعم ان شاء الله الحال هيتصلح

_________________

الدنيا لو هتيجي هتيجي لوحدها
في ناس بتسيبها تيجي وناس بتروحلها
لا فرح دايم فيها ولا حزن دايم
يعني لا تزعل عليها ولا تزعل منها
avatar
عصام البنا
مساعد مدير
مساعد مدير

عدد الرسائل : 284
العمر : 34
تاريخ التسجيل : 22/03/2008

بطاقة الشخصية
ألعب: 2

معاينة صفحة البيانات الشخصي للعضو http://www.helme.hooxs.com

الرجوع الى أعلى الصفحة اذهب الى الأسفل

الرجوع الى أعلى الصفحة


helme :: نكت :: نكت

 
صلاحيات هذا المنتدى:
لاتستطيع الرد على المواضيع في هذا المنتدى