ما هو الحب في رأيك؟؟؟

عشان تعرف يا حودة مش هتعرف معنى الصديق غير اما تتضرب من الحبيبة غير ان شاء الله لو لقيتها تمام يعني يبقى ربنا عوضك حاجة بحاجة

وكلامك يا ميرو صح وبأكد عليه بدل المرة 10

taison كتب:يعني انت يا حودة عايز تفهمنى انك ترفض ان يكون لاختك صديق وتبقي حابب انك عارف انها بتحب واحد وان الواحد ده بيحبها او يعشقها
لا طبعا انا عكسك تمام وبعدين صداقة الولد للبنت بتبقي باينه للناس كلها والناس كلها عارفها والبيت نفسه بيبقي عارف
لكن لو البنت لو بتحب هتقول للبيت والبيت بيبقي موافق "معتقدش"
وبردو ارجع اقولك انا بتكلم علي الانسان المحترم الي بيعرف معنى كلمه صديق

وانت تضمن منين ياميرو أخلاق الولد اللي مصاحب أختك وبصراحة أجبهالك من الأخر انا صاحبي الولاد كانو بيتكلمو على صحبنا البنات من وراهم وقدمهم يبانو أنهم اية ملايكة والله شفت الكلام دة بعيني وبصراحة انا برفض رفض باااااات ان يكون لأختي او حبيبتي صحاب ولاد

وبعدين ياميروو انت عارف الكلام دة مش مستنيني أعرفهولك في ولد يتأمن على بنت في الزمن دة ولا كلامي غلط

طيب الولاد الي مصاحبين بنات بيتكلموا من وراهم
طيب والولد بقي الي بيحب اختك هو ده الي انت هتبقي مطمنله وحاطط ثقتك فيه
وبعدين انا قلتلك يا محمود ان صداقة الولد للبنت بيبقي البيت كله عارفها يعني الام والاب والاخ يعني انت عايز تفهمنى ان الشخص ده هيضحك علي كل دول ويبان قدامهم انه كويس وكلهم مش هيقدروا يحكموا عليه بردو انا رأيي اكيد لأ
لكن بقي الحبيب الي انت موافق عليه ده هل البنت هتقدر تدخل البيت بيه وتقول هو ده حبيبي

Admin كتب:وبعدين ياميروو انت عارف الكلام دة مش مستنيني أعرفهولك في ولد يتأمن على بنت في الزمن دة ولا كلامي غلط

واهو انت قلت بلسانك الكلام الي بقي يفرق ولد الي داخل صداقة عن الي داخل باسم الحب
دا يعنى الي بيدخل باسم الحب ده بيبقي 80% من كلامه كدب واهو بيتسلي وخلاص ولا انا غلطان
لكن الانسان الي بيقول ان الانسانه دى صديقتي مش مستني انه يضحك عليها لانه لو عايز يضحك عليها يدخل من طريق الحب ويريح نفسة لانه اسهل وانت عارف
لكن اكيد انه لجا لبنت عشان تبقي صديقة ليه لأنه حاسس ان البنت دى فعلا زى اخته فبتاعمل معاها علي الاساس ده

ياميرو انا كلامي واضح انا برفض انو يكون لأختي صاحب ولد و حتى حبيب ولو هو بيحبها بجد يبقى المفروض يدخل من الباب مش من الشباك ولو دخل من الباب انا هحترم الحب دة لأني متأكد ان معظم الولاد ملهمش أمان ولا كل الولاد وحشين سيبك مثلا مني ومنك انت تضمن أن كل الناس نيتها كويسة زيك بص على اللي حواليك متبصش لنفسك

يعني ياميرو من الأخر انا لو وفقت أن يكون لأختي صديق فلازم أكون عشرتو كويس اوي وعرفتو كويس اوي يعني يكون من الأخر صحبي عشان أتاكد انو عمر نيتو متلعب كدة ولا كدة

يا ريت تضربوا بعض عشان ارتاح

احنا بنتناقش في موضوع مهم جدا مش بنتخانق

معلش يا جماعه انا هاقول راى فى الموضوع ده بس هو جه متاخر شويه بس انا شايفه ان مافيش صداقه بتدوم بين البنت والولد ودايما بتقلب بحاجه تانيحتى لو ما تحولتش لحاجه تانيه هى كده كده مش هادوم لان لو مثلا البنت ديه اتخطبت او اتجوزت مش هايبقى مسموح لها ان يكون لها صديق ولد ونفس الموضوع لو ولد خطب او اتجوز
وبعدين الحب بيغنى الولد انه يصاحب بنت او البنت تصاحب ولد لان اللى بيحب بياخد حبيبه صديق ليه
ومن ناحيه الحب فالحب الشريف مش حرام وانا مختلفه معاك يا ميروو فى اننا نوافق ان الاخت يبقى ليها اصحاب وما يبقاش لها حبيب فى النور وقدام اهلها والبنت اللى ما بتعملش حاجه غلط وكل تصرفاتها فى النور مش هاتخبى على اهلها انها بتحب وبعدين لو اختيارها صح فى اللى بتحبه اكيد هايكون بيخاف عليها من الهوا
وبعدين صعب اوى يبقى فى اسرار بين ولد وبنت (صحاب) لان فى حاجات ما ينفعش تتحكى
لكن لو الاتنين (حب) مش ببيقى فى اسرار بينهم اصلا
فالحب بين الولد والبنت يدوم عن الصداقه بين البنت والولد
وده راى

والله يا quite angle انتي جبيتي من الأخر وانا معاكي في الكلام دة لأني عشتو و شفتو كمان ويا emily أحنا مش بنتخانق أحنا بناقش موضوع مهم

السلام عليكم
عجبنى الموضوع وحبيت اشارك فيه لان حسيت كل واحد بيقول وجهة نظر من خلال رويته بس انا من وجهة نظرى وانا عندى 28 سنه وماخطبتش ولا ارتبط مفيش علاقه الا من خلال باب البيت يعنى علاقه شرعيه يعنى انا عمرى ماحبيت ومااعتقدش ان حد حبينى والله اعلم بس علشان انا تفكيرى فى شغلى وخدمة الناس ويمكن هى واحده وكانت متزوجه اللى صرحيتنى لان زوجها مسافر فقفلت معاها الموضوع بكل زوق واحترام وقلت ليه انا زى اخوكى بس من وجهة نظرى ان العلاقه لازم تكون مبنيه على اساس شرعى

يعنى اللى كانت بتحبك ديه زى ما بتقول كانت متزوجه؟
لو كده فعلا هى اصلا انسانه خاينه ما ينفعش تامنلها ابداا وهى بتكدب ايضاا لان ما ينفعش الزوجه حتى لو ما بتحبش زوجها انها تفكر فى حد تلنى ولو مجرد تفكير
ويارب يكرمك وتلاقى بنت الحلال اللى تحبها وتتزوجها

السلام عليكم
صراحه نفسى احب واتحب واحس بالشعور الجميل ده وكان نفسى اتزوج عن حب ولكن شكلى هتجوز جواز تقليدى وربنا يستر

انت طبعاا من حقك تحب وتتجوز اللى بتحبها ديه
بس ممكن اسالك سؤال انت ايه اللى منعك انك تحب وتتجوز
هل هى ظروف شغلك
حياتك نفسها او شخصيتك
او مبداك
اصل اكيد لازم تتجوز عن حب
وبلاش كلمه الجواز التقليدى ديه لانه مبقاش موجود الايام ديه
وبعدين انت تضمن منين اللى هاتتجوزها تقليدى ديه تعرف تحبها او تطلع كويسه

السلام عليكم
اختى الفاضله او مش عارف اسم اندهك بيه هقول انجل ضروف شغلى وحيائى منعونى من الارتباط كان نفسى ارتبط زى باقى الشباب بس مافضيتش وعلشان بتكسف وبرضو علشان لما هرتبط هتجوزها ان شاء الله وطبعا الجواز عن حب كويس والجواز التقليدى كويس لان الحب فى الجواز التقليدى بينشا من العشره ولكن انا خايف ارتبط بانسانه تكون ارتبطت وحبت ومعرفتش معايا تنسى حبها الاول وتفتح قلبها لجوزها وحبيبها
ياريت ربنا يكرمني بالأنسانة اللي أحبها وانا مش رافض مبدأ الجواز عن حب بس لازم تكون الأنسانة زي ما أنا رسمها في خياليويكون حب بجد حب صادق حب يخليني أنسى الدنيا و أنا معاها

الحب هو انقى وارقى حاجة فالوجود الحب غريزة فى الانسان وكلنا متفقين ان الحب انواع بس لو هنتكلم عن الحب العاطفى بين الولد والبنت فعلا محتاج كتير لان كتير كتبوا عنه وكتير قالوا فيه غنوله بس يا ترى كل الناس بتلاقى الحب دة
اعتقد ان المحظوظين بس هما اللى بيلاقوة والاهم بقى اننا نقدر نفرق بين الحب والاعجاب والصداقه كلها علاقات حب متشابهه لازم نقدر نفرق والا هنقع وننجرح
(اذا ادركت اسرار الحياه فلن تجد جديربالحب غير الله فاكثر من ذكره)

الحب همسه
الحب دمعه
الحب بسمه
الحب ذكرى جميله
الحب حياه داخل حياه
الحب نهر يتدفق باخلص المشاعر والاحاسيس
ما اجمل عيون العاشقين وهى تفيض بنظرات من الوله والعطاء
اين هذا الحب
بحثت عنه
رحلت لاجله
عبرت البحار
قطعت الصحارى
نزلت الوديان
فلم اجد الا ردا قاسيا
من واقع الحياه التى نحن بهها فى هذا الزمان
مات الحب
ليبقى الغش
مات الحب
وبقيت المصالح
فكل من يتظاهر بالحب
فهو يخبىء وراء قناع الحب مصلحه وقتيه
يتبدد بعدها هذا الحب
ويبقى الالم .....والعذاب
هذا هو رايى بكل صراحه فيما يسمونه هذه الايام


الحب

ياااااااااااااااااااااااااااااه انتي حطيتي ايدك علي نقطة ضعف هذه الايام بس في بجد ناس يوم ماتحب بتحب بجد زي السطور الاولي وبيمشوا علي مقولة (الدنيا 3اشياء:حياه الم حب)
حياه لازم اعيشها الم اتحمله من اجل التالته
شكرا بجد ياسمسمه

بجد ردك رائع يا سمسمة

ميرسى يا تايسون
ياريت تشاركنى برايك ديما فى مواضيعى الجايه