قصه الحب الغير عادى الحلقه الثانيه

من طرف hlmee الأحد يوليو 27, 2008 3:09 am

كانت الساعه اتنين بعد نص الليل....احمد اللي بيعتبره من اعز اصدقائى واقف في الشباك
كالعاده كان في ايده مج الشاي بتاعه ...وسيجارته المفضله اللي هي روزمانس ازرق وفجأة خرجت بنت الجيران اللي هو مش عارف اسمها ايه عشان لسه ساكنين جداد ويمكن خرجت تنشر الغسيل دلوقتي عشان محدش يشوفها او...بصراحه مش عارف السبب المهم عملت عبيط وبصيت الناحيه التانيه...وسرحت في احوال الدنيا اللي احنا عايشنها دي بصراحه كنت مستني ميسد من ايها حد...لأن تليفوني اليوم ده كان زيه زي ريموت التي في المهم انا الرينج تون بتاعتي حاليا اغنية محمد حماقي ..مش هتنساني بكرا هتجيني المهم الميسد كان من صاحبي بهاء....مركزتش في الرينج على قد ما ركزت في جارتي وهي بتقول ااااااااااااه ....بكرا هتجيني.....بصراحه ضحكت بصوت عالي موت وبصيتلها لقيتها بتنزل الكم بتاع الترينج بسرعه بسرعه...وانا وديت وشي الناحيه التانيه على اساس اني بتكسف ..

راحت دخلت وسمعت صوت باباها الحنون اوي وهو بيقولها....نشرتيلي العبايه يا زيزي ضحكت برضه بصوت عالي....لحد لما سمعته بيقول...مين .....ده؟ مش لازم تعرفوا
وخرجلي وكان الحوار...

ابو زيزي: انت بتضحك على ايه ياض

احمد: افتكرت ايام الجيش بتاعتي يا حج

ابو زيزي: محبكش تفتكرها غير دلوقتي

احمد: والله يا حج انا حر ...افتكر وقت ما احب

ابو زيزي :واضحك انك لسه معرفتنيش كويس

احمد: لأ عارفك يا مان...انت الحاج ابو زيزي

ابو زيزي: وعرفت اسم بنتي منين يا حماده

احمد : ابدا سمعت حضرتك وانت بتقولها زيزي

ابو زيزي قفل الشباك في وشي وانا كمان دخلت لقيت ابو احمد صحي

احمد : ايه يا حاج ناقص عشر ساعات على صلاة الفجر

بابا: ايه ريحة الدخان دي انا اتخنقت معرفتش انام خالص

احمد : انا كمان اتخنقت منها فقلت اقف في الشباك اقول اذكار الصباح والمساء

بابا : ربنا يحميك يا احمد ويهديك ...بس معرفتش جاي منين الدخان ده

احمد : انا اقولك يا بابا ده من عند ابو زيزي جارنا الجديد في الشقه اللي ادامنا

بابا: استغفر الله العظيم...ده حتى النبي وصى على سابع جار

احمد : احنا مالنا بقى يا بابا صدره هو اللي هيوجعه مش احنا

بابا: طيب يلا يا احمد ادخل نام بدري عشان الكليه

احمد: بابا ممكن اعد على النت شويه اكلم البت شهد

بابا : لا

احمد: لا هعد

بابا : والله مانت قاعد

احمد : والله مانا قاعد....تصبح على خير

وووووووونشوفكم الحلقه الجايه

-----------------------------

الحلقه الثانيه

كانت الساعه 4 العصر لما احمد صحي من النوم وكان كل فرد في عيلته رجع
اللي رجع من شغله واللي رجع من كليته والليرجع من مدرسته...ما علينا

ابو احمد: معقول
احمد: هو ايه اللي معقول
ابو احمد :معقول
احمد:لأ طبعا مش معقول
ابو احمد : حضرتك لسه صاحي من النوم والناس في الشارع من الصبح بتاكل عيش
احمد:الله
ابو احمد :في ايه يا ولد
احمد: الله
ابو احمد: انطق يا زفت
احمد:لالالالالالالالالالا
ابو احمد : انطق يا سافل
احمد: هو انا لازم انزل الشارع عشان اكل عيش
ابو احمد: احترم نفسك
احمد:في شنطة عيش جوا ما شاء الله
ابو احمد: اخرس
احمد: طيب عن اذنك انا نازل الكليه
ابو احمد: دلوقتي...هنهزر
احمد: لأ مش دلوقتي كمان عشر دقايق
ابو احمد : غور من وشي وقبل ما تنزل روح بوس ايد امك
احمد :اشمعنى مبوسش ايدك انت هي ايدك مش نضيفه
ابو احمد:سافل
احمد: ماشي يا عم عماد حمدي..في سره طبعا

احمد : ايه يا حاجه انتي قاعده هنا من امبارح
ام احمد: هروح فين بس ولا هاجي منين
احمد : بابا قاللي اجي ابوس ايدك

كانت مامته ماده ايديها من قبل ما يخلص كلامه

ام احمد :خد يابني البركه قبل ما تنزل
احمد : انا معايا بركه من امبارح شيلت نصها
ام احمد :طيب يا حماده طريق السلامه

احمد لبس الطقم الجامد وفتح باب الشقه..بص لقى زيزي هي كمان خارجه

احمد : يا اهلا وسهلا منورين العماره حقيقي
زيزي: ميرسي
احمد :العفو على ايه بس انتي نازله الدور الكام
زيزي: عديني بعد اذنك
احمد: الله هو دخول التواليت زي خروجه
زيزي : والله اقول لبابا...هاااااااا
احمد :خلاص خلاص مع اني مبيهمنيش
زيزي : معاك مفتاح العماره
احمد : طبعا انا معايا كل المفاتيح حتى مفتاح شقتكم
زيزي: طيب افتح هتأخر على المحاضره
احمد : انتي ماشيه ازاي
زيزي: كده
احمد : يانهار مش فايت عاوزه تمشي من هنا
زيزي: في ايه خضتني ليه بتقول كده
احمد : مفيش بس امشي لوحدك انا مش ماشي معاكي
زيزي: في ايه طيب
احمد : ده شارع مليان كلاب بتهوهو
زيزي: ههههههههه انت بتخاف من الكلاب ..يا حرام
احمد : غلبانه والله انتي قال اخاف قال انا عامل عشانك
زيزي: طيب نمشي منين
احمد : من هنا حتى في شجر وورد وقطط بتنونو
زيزي: اوكي
احمد : انتوا خدتوا شقتكوا على كام
زيزي: ملكش فيه
احمد :حلو مضحكش عليكم
زيزي: هههههههههههههه
احمد : نتفق على حاجه ممكن
زيزي: ايه هي
احمد:مش بحب اركب تاكسيات
زيزي: وانا مش بحب ميكروباصات
احمد :مين قال ميكروباص ده اتوبيس سيرفيس
زيزي: ده بيبقى زحمه ومقرف
احمد : عيب عليكي انتي ماشيه مع باباكي ولا ايه
ده انا احمد البرنس
زيزي : طيب يا برنس وقف اللي جاي ده
احمد :لأ السواق شاكله مش استايل خالص
زيزي:طيب ده
احمد : مش مشغل الكاسيت
زيزي: طيب ده
احمد :لالالالالالالا

راحت زيزي جريت وركبت وهو طار وراها

السواق : الكابتن ابو كاب احمر يخش جوا شويه
احمد : مش احمر اوي يا خفه
السواق : هيهيهيهي...ماشي يا هندزه
احمد : خفيف يا مان...انا محازب
السواق : خش بقى خششششششش
احمد : يا عم حرام عليك كده هنزل من الناحيه التانيه
زيزي: ههههههههههههههههه
احمد : انتي مين
زيزي: انا جارتكم الجديده
احمد : بصوت عالي ااااااااه
زيزي: هسسسسسسسسس
احمد : طيب ههس انا نازل من باب المترو
زيزي : لأ انا هنزل باب رئيسي
احمد : طيب عديني يا مدام خشي شويه
يا حاج عديني مش عارف انزل انت نازل من بيتك ليه
ياربي حاسبي يا انسه شنطتك انتي مسافره ولا ايه
عديني يا نجم والنبي انا نازل هنا يا ولاد ال....؟

احمد وهو نازل

سلاااااااااااام يا زيزي نتقابل بقى بالليل وانتي بتنشري الغسيل لما بابا ينام

وووووووووونشوفكم الحلقه الجايه