ما هو الحب في رأيك؟؟؟

انا رأي ياميرو ان الحب بين البنت والولد لازم في حياة اي أنسان لان الحب دة هو اللي بيدي الأمل في الحياة وبيخليك تكمل وبعدين دايما حبيبك هو اللي بيخاف عليك أكتر من صاحبك وحبيبك هو اللي بيقلك عليك وبيفكر فيك يعني أكتر أنسان بيملى عليك حياتك

اولا انا احبك اشكركم على الكلام الجميل الى اتكتب وبعدين عاوز اضيف نقطه وهى الحب فى الله
قال صلى الله عليه وسلم سبعه يظلهم الله فى ظله يوم لا ظل الا ظله منهم " رجلان تحابا فى الله اجتمعا عليه وتفرقا عليه" بس نرجع ونقول الحب اجمل حاجه فى الدنيا ومنغيره منقدرش نعيش زى مقال ميشو وهو الى بيدى الواحد امل فى الحياه زى مقال حوده [img][/img]

الحب دا فعلا حااجه جمداااااا مووووووووووووت اى حب زى ما قوللت ياميرو طبعاا حااجه جمداا
موش شرط ولد وبنت المهم الوااحد يحب من قلبو
بس هو فى سؤاال صغير الى هيجااوب عليه يبقا افففد نااس كتيره اوى
س:- اين مكاان الجزئ المسأول عن الحب فى جسم الأنسااان
منتظر الجوااااب فى اسرع وقت

وانا قصدي ياميرو ان حب الصحاب لازم طبعا بس بردو في رأي عمرو ميغني عن حبيبك وعمر صحبك مهيكون معاك زي حبيبك مهما حصل . حب الحبيب دا شئ لازم الوجود وبردو حب الله تعالى لازم الجود انا بالنسبالي دول أهم حاجة لان الصاحب مهما كان مش بيدوم

الحب فئات فى حياة الانسان ويبدا بحب الله سبحانه وتعالى لان اى حد بيحب ربنا بحق هيراعى الحب ده فى اى حد ان كان صديق او اخ او حبيب اما بالنسبه الحب اللى بين البنت والولد لازم يكون صادق جاد مش لعب عيال وخلاص لازم يكون مسؤول منهم هما الاتنين
الحب عامة
انك تحس انك عامل زى الجوهره اللى فى ايد صاحبها وقافل عليها اوى علشان خايف عليها
الحب انك لما تبص فى عنين اللى بتحبه تحس انك كبير اوى ومالك الدنيا كلها وفى نفس الوقت تحس انك صغير اوى لانك ملك حبيبك
الحب انك فجاه تحس انك محتاج لحبيبك وتشتاقله وتفكر فيك وعلى فكره بيكون هو فى نفس اوقت بيفكر فيك
الحب انك تصبر وتضحى علشان تعمل اى حاجه تسعده
الحب انك تحب نفسك علشان لقيت احسن واحد يحبها
الحب انك تبقى اناى ومش عايز حد يشاركك فى حبيبك
بجد الحب نعمه من عند ربنا يارب كلنا نقع فيها



[img][/img]

رايى ان الحب هو الامان ومنيين الامان بيبدأ من حبك وتفكيرك فى الله وبعدين احساسك بقيمتك وقيمه اللانسان اللى جنبك واللى بيحلى دنيتك اكتر وروحه تبقى قريبه من روحك تخاف عليه وتحس بيه وفى احلامك بتكون معاه احلام النوم واحلام مستقبلكم
ومرسى مووووووووت على الموضوع اللذيذ ده

والله ياميروووو انا عشت وشفت كتير ان مفيش صاحب بيدوم كل ماتقول هو دة يطلع انيل من اللي قبلو اما لو حبيت حبيبة بجد بيجد يعني أكيد عمر حبيبك ما هيفكر يبعد عنك ولا انت تقدر تبعد عنو وصدقني يا أمير الكلام اللي بحكهولك دة انا والله عشتو ولمست كل لحظة فية

اولا يا برنس الموضوع جميل وعاوزين مشاركات تانى وياريت عاوزين اراء بصراحه وياريت لو كل واحد يحكى عن اى موقف حب شافه او اتعرض ليه حلو او وحش عشان يكون فى خبرة اكتر لان تجارب الواقع بتعلم كتييييييييييييييييييييير, رايى ياجماعة ان الحب ده المالك الصالح لانه فى معناه الصدق والحنان والامان ودى اهم حاجه فى جميع انواع الحب سواء بين الاصدقاء او بين حبيب وحبيبة ومن معانى الحب كمان انك تضحى ومن غير حدود لو الشخص اللى قدامك يستاهل وبيتهيئلى كل واحد عارف قيمة نفسه كويس.

الحب انك تحب عشان الحب نفسه يعنى تحب من كل قلبك بس طبعا لازم يكون عقلنا موجود بس لازم انك تدى من غير حدود وبجدمينفعش انك طوول الوقت تنتظر المقابل لانك لوحبيت بجد كل واحد فيكو هيدى للتانى كل حاجه وهو يعنى تسلسل منطقى لو كان فيه صدق فى المشاعر. :flower

سؤال هااااااااااااااااام وعاوزة اجابتكم ياريت , تفتكروا لييه الشباب ممكن يضحكو على البنات؟
وليه البنت ممكن تلعب بمشاعر شاب صادق ؟ ارجو الرد بلييييييييييز منكم بس كل واحد يجاوب على السؤال الخاص بيه الولاد يجاوبوا على الاول والبنات على التانى

انا راي يا مانو ان اي ولد بيلعب بمشاعر بنت او بيضحك عليها ده نقص فيه وعدم تربية وطبعا عدم تقرب لله
لانه هو لو بيخاف علي اخته او امه من الناس عمر ما هيعمل كدة في بنات الناس وبردو البنت عليها خطأ كبير انها بترضي بحاجة زى كدة
يعني من الاخر الاتنين سفله

انا رايى يا مانو ان مفيش شاب ممكن يضحك على واحده وهو عارف ان هى بتحبه او هو بيحبها بجد والشاب الى يضحك على بنت اكيد اتقرص قبل كده من واحده وعاوز يطلع زعله على اى واحده يعرفها فبيضحك عليها . واما انه يكون بيحب واحده وبعدين تسيبه فهو لازم يسبت لنفسه انه ممكن يعرف غيرها كتير ولما يعرف كتير اكيد مش حيحبهم كلهم فأكيد هيضحك عليهم . [img][/img]

الحب لو هنتكلم عنوا هياخد منتدى تانى لوحدوا
الحب انواع
الحب ليها مليون معنى
هنتكلم على الحب عموما فهى غريزة بتتولد
واول حب فى الدنيا هو هو الطفل لاموا
وياريت نفتح مواضيع عن انواع الحب اكتر من كدا

والله يا جماعة انا رائي ان الحب ده حاجة مهم جدا في حياة الانسان .الحب بكل انواعه حب العبد لربه ورسوله وبعده على طول حب الانسان لاهله وده مهم جدا لانك يوم ما بتطيع ربنا وبتحبه وبتتقرب منه وبتراعي ربنا كمان فاهلك وبتحاول دايما تعوضهم خير على اللي عملوه معاك حتى لو على حساب نفسك زي ما هما جم على نفسهم عشانك ساعتها بجد هيكون حبك صادق مع باقي الناس سواء كان بقى صديق او حبيب وانا شايفة ومقتنعة بانك يوم ما هتراعي ربنا فكل حاجة حواليك والكلام للبنات والولاد عمر ما في اي مخلوق هيضحك عليك ولا بنت هتضحك على ولد عارف ربنا وبيذكره وولا ولد هيضحك على بنت بتعرف ربنا وعارفة الصح من الغلط.ويوم ما يحصل ان تتفرقوا عن بعض يبقى ربنا اكيد بيبعد عنك حاجة وحشة لانه دايما هيعملك الخير لانك دايما شاكره.بالنسبة للولاد اللي بيضحكوا على البنات والبنات اللي بيضحكوا على الولاد والله الاتنين دول ربنا مش هيباركلهم فاي حاجة ولو حصل انك قولت والله انا اضحك عليا وانا اللي مضايق وده عايش حياته بالطول والعرض مسيرك هتشوف نفسك فيوم انت احسن منه مليون مرة و اللي عمله فيك اتعمل فانسان عزيز عليك وده مش كلام ولا بتستنى تشمت فحد لا ده عقابه انه مرعاش ربنا.وبالنسبة للصداقة انا شايفة ان صداقة بين الولاد ممكن تدوم انما بين البنات مش بتدوم لان معظم البنات بيغيروا من بعض.بس يوم ما تلاقي صديق بجد يخاف عليك ويقدرك ويحاول بقدر الامكان يعمل عشان يسعدك وعمره ما يزعل منك بجد ده كنز وكمان نعمة من عند ربنا انصحك انك عمرك ما تفرط فيه

انا باكد علي كل كلامك يا املي
ال حاجة واحدة وهى ان صداقة الولاد بدوم وصداقة البنات مش بدوم لان اي واحد وزى ما قلت قبل كدة بيصاحب بجد بجد وباكد عليها تانى مرة عمره ماهيسيب صاحبه وعمره ما هيفكر بطريقة الغيرة الي انتى قلتي عليها
وبعدين انا بردو عايز اسال اية رايكوا في صداقة الولد والبنت ؟؟؟؟؟؟؟؟؟؟
ياريت تقوليلي رابكوا

والله انا شايفة ان صداقة الولد والبنت دي انواع وكل نوع على حسب ليه مزايا وليه عيوبه بس اللي متاكدة منه ان في فعلا صداقة بين البنت والولد بس ده ساعة اما يكون الولد ده محترم والبنت محترمة وساعتها بيتعامل معاها زي اخته وبيخاف عليها زيها بالظبط وده بيبقى نادر مش دايما نلاقيه بس اللي يلاقيه بجد يا بخته انه يلاقي حد يخاف عليه ويقدره

وانا لتانى مرة يا جماعة بأكد علي كلام اميلي وعلي فكرة يا حودة انا لما اتكلمت علي الصداقة وقلت انها احسن حاجة في الدنيا مكنتش بتكلم من فراغ لانى فعلا اعرف صديق بجد بجدفعلا
وعارف فعلا مدى اهمية الصديق

وانا كمان مبقولش الكلام ده من فراغ يا حودة انا فعلا مجربة الصداقة و لقيت فعلا صديق واخ بجــــــــد ومش هتنازل عنه ابدااااا لاني يوم ما اتنازل هكون خسرت كتير اوي وانا بكره الفشل والخسااااااارة

علي فكرة يا حودة انا عارف انك اتاذيت قبل كدة من صديق فعشان كدة انت واخد موقف من موضوع الصديق بس بجد لو عرفت انسان محترم وعارف معنى كلمة صديق هتقدر الكلمة دى اوى ومش لازم ولد علي فكرة ممكن بنت وهتبقي اوفي من ولاد كتير

على فكره يا مانو من الغباء ان البنت او الولد يتجرحوا من حبيبهم ديه قمه الغباء بس المشكله ان الولاد شايفين البنات صيده سهله يتسلوا بيها وفى بنات كتير هى اللى مديه الفرصه ديه للولاد لانهم بمعنى اصح بيبيعوا نفسهم
وفى بنات شايفه انها تسلى نفسها كل يوم مع واحد شكل اهم حاجه تكون مبسوطه
والاتنين بترجع للتربيه ولمعرفه ربنا على حق

emily كتب:وانا كمان مبقولش الكلام ده من فراغ يا حودة انا فعلا مجربة الصداقة و لقيت فعلا صديق واخ بجــــــــد ومش هتنازل عنه ابدااااا لاني يوم ما اتنازل هكون خسرت كتير اوي وانا بكره الفشل والخسااااااارة

ردا على كلامك اميلي صدقيني والله انا عشت اللي بكلمك فية دة بدل المرة والله 4 مرات عمر الصاحب مكان بيدوم وعارف أن صحابي اللي معايا دلوقتي بردو مش هيدومو أما لو حبيبتي حاجة تانية خالص بجد مش عارف ققلك أن الحب للحبيب أكبر و أغلى و أسمى من أي حاجة

taison كتب:علي فكرة يا حودة انا عارف انك اتاذيت قبل كدة من صديق فعشان كدة انت واخد موقف من موضوع الصديق بس بجد لو عرفت انسان محترم وعارف معنى كلمة صديق هتقدر الكلمة دى اوى ومش لازم ولد علي فكرة ممكن بنت وهتبقي اوفي من ولاد كتير

بس صحبي دة كان الدنيا كلها شايفاه محترم وكويس وبردو طلع زي اللي قبلو ميستهلش و بعدين بصراحة كدة ياميرو انت ترضى ان أختك أو حبيبتك يكون لها صاحب ولد انا مقدرش يكون لية صاحبة بنت وانا رافض المبدأ دة أصلا وصدقني الحبيب دة أول و خر حاجة وبكرة لما تقع وتدهول في حب بجد من طرفين منك ومنها يعني هبقى أفكرك بكلامي

يعني انت يا حودة عايز تفهمنى انك ترفض ان يكون لاختك صديق وتبقي حابب انك عارف انها بتحب واحد وان الواحد ده بيحبها او يعشقها
لا طبعا انا عكسك تمام وبعدين صداقة الولد للبنت بتبقي باينه للناس كلها والناس كلها عارفها والبيت نفسه بيبقي عارف
لكن لو البنت لو بتحب هتقول للبيت والبيت بيبقي موافق "معتقدش"
وبردو ارجع اقولك انا بتكلم علي الانسان المحترم الي بيعرف معنى كلمه صديق