مااصعب اختيار الصديق ولا اختيار الحبيب؟؟؟

انا النهاردة عايز اسألكم سؤال انا شايف ان اجابته مش هتكون سهلة

مااصعب اختيار الصديق ولا اختيار الحبيب؟؟؟

ياريت كلنا نرد علي السؤال ده ونقول ليه احنا اخترنا اجابتنا اذا كان الحبيب ام الصديق

بجد يابرنس سؤال مهم جداا وصعب جدااااااااااااااااااااا جداااااااااااااااااااااااااااا وانا رايى ان الاتنين اختيارهم صعب ليه؟ لان الصديق بيكونلك نفسك وهو اللى بتكبر معاه وبتعيش معاه لاحظات حلوة ولاحظات صعبة وبالتالى انا شايفة ان اختيار الصديق هو الاساس لان مرحلته بتبتدى قبل الحبيب ولو انت نجحت ان تختار الصديق الصح تدريجى هتوصل للحبيب الاصح وده لانه بيشاركك التفكير عشان تعرف اذا كان الشخص ده ينفع يكون حبيب او لا لكن لو معرفتش تختار الصديق اكيد كل حاجة فى دنيتك هتتلخبط وممكن متقدرش توصل للى بتتمناه. [i]

انا رأي ان أختيار الحبيب أصعب لأن الحبيب المفروض أن يكون في جواز وحياة صعب تصلحها لو غلطت اما الصديق لو غلطت في اختيارة سهل تغيرو و سهل كمان متصحبش خالص

انا راى ان الانسان مش دايماا بيختار حبيبه هو ساعات بيقابله و لو بيحبه بيتغاضى عن حاجات كتير فى
لكن الانسان دايماا بيختار اصدقائه ويتحمل مسشؤليه الاختيار ده علشان كده اكيد اختيار الصديق اصعب بكتير

على حسب الموقف بردو وعلا حسب الحبيب بردو ياميرو
ممكن الصديق يبقى غلط
او ممكن الحبيب يبقى غلط
الأجابه صعبه اوى

الاجابه صعب اه بس الاساس الصديق لان الصداقه ممكن تتحول الى حب ولاكن الحب لا يمكن ان يتحول الى صداقه مرة اخرى

فعلا الاتنين صعبين جدا لانك عمرك ما بتعرف ان ده صديق من موقف ولا انه حبيب من موقف ده انت ممكن تعقد سنين وفاكر ان ده صديق صح وانك اخترت صح ويطلع اختيارك غلط او تبص انك لقيت حبيب وهو ده الحبيب المناسب وشايفة منه كل اللي بتحلم بيه وبالوقت الاقي في حاجات بيفقدها كنت فاكرة انها فيه على اساس انها متوافرة فاي حد فبصراحة يا جماعة سؤال محير والاتنين اختيارهم اصعب من بعض

انا فى راى اختيار الحبيب اصعب لان ده الى هتختاره ليشركك حياتك كلها