ختان الاناث ليس له اساس فى الاسلام3

اختى بس انتى فى الموضوع السابق اخدتى برايى مفتى الديار المصريه ومفتى الحكومه اللى اسموه سيد طنطاوى كيف تقولين انكى لم تاخذى براى احد من شيوخ الازهر
لاحول ولاقوة الا بالله ربنا يهدى شباب الامه
تعقيب بسيط كل الاضرار الطبيه والنفسيه التى ذكرتيها بتنتج عن سوء استئصال للجزء الزائد وهذا خطا دكتور واقولها خطا دكتور لان احيانا الفتاه تحتاج لختان واحيان اخرى لاتحتاج فكلوه يرجع الى رؤية الدكتور نفسه
والسلام عليكم

يعني يا دكتور الموضوع مش موضوع اسلام وواجب ديني دى حاجة بايد الدتور علي كلام حضرتك ومافيش دكتور في الدنيا بيأكد ان الحاجة دى ضرورية ولكنهم اجمعوا علي انه ضار بجسم ونفسية الانثى يبقي ازاى من الاسلام مادام ضار
وجميع شيوخ الامه ازهر او غير ازهر اجمعوا علي ان ختان الاناث مش من الاسلام ليه حضرتك واخد علي راي شخص واحد فقط مهما كانت مكانته وعلمه ممكن يخطأ
انا رايي يا دكتور ان حضرتك تقرا في الموضوع من جميع الشيوخ مش واحد فقط لاغير

فعلا يا استاذ برنس لازم نجمع معلومات من جميع المناحى العلمية والدينيه والناس المتعصبة ومؤيده للراى ده لاقدر الله لو حصل اى حاجه لاى حد من اهل بيته اكيد هيغير كلامة شكرا

السلام عليكم
ياجماعه يااخى مين اللى قال موضوع الختان مش ضرورى يااخى فيه بنات عوزه استئصال لجزء بسيط من البذر وفى بنات مش محتاجه انتو بتتكلموا فى ايه انا مش بحتم فرضية الختان انا دكتور وعندى 28 سنه وعارف انا بقول ايه ياشباب الموضوع ده ضرورى جدا جدا للبنات اللى عوزه استئصال للجزء الزائد من البذر وبعدين من الذى قال انى واخد براى عالم واحد انا جيبت كذا عالم من علماء الامه وياريت تتفرجوا على الافلام اللى انا هبعتها وتفكروا بقى مش كل تفكيركم منصب على فتاوى حكوميه فكروا بقى شغلوا عقولكم كلامكم ده مش مبنى على كلامى دينى او علمى
ياشباب الامه فكروا بعقولكم لانى احبكم فى الله وياريت تشوفوا اللى انا هبعتوه
https://www.youtube.com/watch?v=qbOiMpaAK9U
الشيخ ابو اسحاق الحوينى

الشيخ ابو اسحاق الحوينى

https://www.youtube.com/watch?v=_7BJKlPbSoo

الشيخ ابو اسحاق الحوينى

https://www.youtube.com/watch?v=UJX3JYZLPQo

الشيخ محمد حسان

https://www.youtube.com/watch?v=4XSAcNAzmcQ

اتمنى رودود على مشاركتى وان تفكروا بعقولكم لان هذا الشى مولودون عليه بالفطره وجزاكم الله كل خير انى احبكم فى الله

عمرو غيضان كتب:
ياجماعه يااخى مين اللى قال موضوع الختان مش ضرورى يااخى فيه بنات عوزه استئصال لجزء بسيط من البذر وفى بنات مش محتاجه انتو بتتكلموا فى ايه انا مش بحتم فرضية الختان

يعنى حضرتك رايك معانا ان الموضوع مش اسلامى ده موضوع يتبع لراى الدكتور فقط وليس فرض اسلامى

السلام عليكم
لا يااخى موجود طبعا فى السنه وحديث صحيح واتفرج على اللى انا بعتوه قال الرسول صلى الله عليه وسلم (اذا التقى الختانين وجب الغسل)ومعناه ختان الرجل وختان المراه وهذا الحديث صحيح جدا وقوله صلى الله عليه وسلم فى الغسل بعد الجنابه
(اذا جلس بين شعبها ومس الختان الختان فقد وجب الغسل)
وهذ الحديث صحيح جدا

جزاكم الله خيرا

هذه الاحاديث ضعيفة يا دكتور وليست صحيحة
وبعدين سنه رسول الله عليه افضل الصلاة والسلام واردة من القرآن الكريم ومافيش اية واحدة في القرآن تقول ان ختان الاناث فرض فياريت حضرتك تتأكد من انهم ضعاف وليسوا صحيحين

عمرو غيضان كتب:السلام عليكم
لا يااخى موجود طبعا فى السنه وحديث صحيح واتفرج على اللى انا بعتوه قال الرسول صلى الله عليه وسلم (اذا التقى الختانين وجب الغسل)

جزاكم الله خيرا

ياميرو فعلا دة حديث صحيح وقوي جدا لكن أسباب نزولة كالأتي

اولا يادكتو هذا الحديث نزل لأن الختان كان موجودا قبل عهد محمد علية الصلاة و السلام لكن هذا الحديث لم يوضح الوجوب في الختان كما نزل حديث صريح أوجبها للرجل . يعني الحديث دة لمدة من الزمن مثل الحديث الصحيح اللذي ذكر عن الرسول في جواز المتعة كان الحديث دة لفترة كان يستوجب نزول الحديث فيها فعلا

يااخى ازاى لو ماوردش الحديث النبوى فى القران يبقى مش معترف بيه
ازاى يااخى يعنى لازم الحديث يكون موجود فى القران طبعا الكلام ده كلام غير صحيح وبعدين الاحاديث اللى انا اوردتها صحيحه جدا مليون فى الميه تانيا ردا على حوده معنى كده ياحوده اى شى فى عصر الجاهليه وقبل ضهور النبى وغلط يمشى النبى ونقول كان موجود ويقولوه النبى لاطبعا ياحوده مدام قالوه النبى فهو صحيح لاينطق عن الهوى ان هو الا وحى يوحى صدق الله العظيم انى احبكم فى الله
السلام عليكم
تعقيب بسيط على فكرة حديث اللى ورد فيه وجوب الختان للرجال ومكرمة للنساء حديث ضعيف وتاكد وسيبك من علماء الازهر

امهاتنا وجداتنا تم لهن الختان ومع ذلك عاشوا حياه سعيده ومستقره وطبيعيه جدا وكونو اسر ممتازه وللعلم فإن حظر ختان الاناث يهدف الى تحطيم الاسره بطريقه غير مباشره
هنالك في العالم من ينادي بأعلى صوته داعياً للتخلي عن ختان الذكور، بنفس الأسلوب الذي ينادي به للتخلي عن ختان الإناث المطلق،
• فأين نحن من هؤلاء؟ إذا تنازلنا اليوم عن ختان الإناث فسنتنازل غداً عن ختان الذكور تماشياً مع العولمة والاتباع الأعمى للغرب.

• فالذين يطالبون بمنع قطع هذا الجزء الصغير من جسد الطفلة (تحت أي مبرر) هم الذين يقطعون أوصال أطفال المسلمين
كلمة اخيرة
• فأرجو أن يترك للانثى
• حق اجراء الختان الشرعى بعد أن تبلغ احتراما لادميتها فليترك الأمر للاختيار
• بعد موافقة الأنثى و ولى الأمر
• ويجريها طبيب متخصص
• تكون ختان شرعى وهو قطع القلفة التي تغطي بظر الأنثى وهو شبيه لختان الذكور، ويعرف بالسنة
• فى مستشفى
• فى وجود تخدير
• ادوات معقمة
• إيقاف النزيف بربطه بخيط جراحى معقم
• إعطاء مضاد حيوى
• إن ختان الإناث الذي شرعه الاسلام عملية جراحية بسيطة ومأمونة نادرة جداً ولا تتعدى مضاعفات العمليات البسيطة الأخرى كحدوث نزيف بسيط أو التهابات خفيفة

ياناس الموضوع في ايد الدكتور هو الي يقرر اذا كانت الانثى محتاجة ختان ام لا
ومش فرض الموضوع مش فرض
يعنى البنت الي مش هتعمله هتحاسب ولكن الدكتور هو الذي يقرر اذا كانت محتاجة ام لا

السلام عليكم
اشكرك جزيل الشكر وجزاك الله خيرا على هذه المواضيع والذى تحدثت عنه عن شى هادف فى مصلحة المراه كما اضفت شى تم نسيانه وهو العمليه الجراحيه للختان وكيفية عمل الختان وللتقدم للمشككين ان الختان حلال ومطلوب لللفتيات حتى لاينهار المجتمع كله جزاك الله خيرا

يعني الحمد الله وصلنا لقرار ان الختان مش لازم بس هو حالة معينة بيتوجب فيها التدخل الجراحي يعني مش أجبار شرعي علشان الناس تفهم بس

الحمد لله

[img]https://helme.hooxs.com/montada-f9/[/img]انا اسفه يا جماعه انا عارفه ان انا برد متاخر اوى بس للظروف خاصه
انا اشكركم جميعاا على ردودكم على الموضوع الهام جداااا فى حياتنا وخاصه ( النساء)
بس فى حاجه عايزه اقولها للدكتور عمرو (يا دكتور انت مره تقول انه فى الاسلام وواجب على كل البنات ومره تقول انه فى ايد دكتور والرايين بعيد جداا على بعض
لانه لو هو فى ايد دكتور يبقى هو مش فرض على البنات)
وكلمه لميدو عطا اولا شكراا على الاضافه بس فى حاجه انت قلتها ان امهاتنا واخواتنا تم لهن الختان بس انت تعرف منين انهم مبسوطين او حاجه زى كده مش ماثره فى نفسيتهم وحياتهم الان
هو حل بسيط جداا ان البنت اول ما تتولد او تكبر نسبياا اذا لاحظت الام اى شىء غير طبيعى عند البنت تعرضها على الطبيب وهو اللى بيحدد اذا كانت هذهالفتاه تحتاج الى ختان ام لا
ويجي ان يكون طبيب متخصص جدااا لان هذة المنطقه حساسه جدااا
وحاجه كمان ان الختان هو اللى هايخلى البنت تحد من شهويتها ام لا لان فى بنات كتير مختتنات وسلوكهك او شهوتهم ذاائده والعكس ان بنات كتير غير مختتنان ولا يشعرون باى اثاره او شهوه تجاه اى شىء وعلى فكره انا قمت ببحث ميدانى وسالت الكثير من البنات والسيدات المختتنات والغير مختتنات ولقيت نسبه كبيره جداا متاثرين بالموضوع جدااا فى حياتم بسب طريقه الاجراء
بجد اشكركم على كلامكم وديه حاجه مفيده لينا كلنا
جذاكم الله خيراا يا شباب المسلمين

السلام عليكم
اولا اشكر الجميع على ارائهم واشكرى يااختى على ماقولتيه واتمنى من الله ان تكون الضروف عديت عليكى بخير لاننا كلنا اخوة واشكر اخى ميدو على ارائه السديده والتى اثلجت صدرى وخلاصة هذا الموضوع الذى اثير حولوه الاقاويل من وجهة نضرى ان الختان موجود فى السنه وان الختان سنه واجبه بمعنى يثاب الذى يفعلها وياثم من يتركها بالنسبه للفتاه التى تحتاج هذا الموضوع واوكد للفتاه التى تحتاج الختان لان الختان من الفطره ومن السنه وانا يااخوتى غير متعصب من شى لانى احبكم فى الله وجزاكم الله خيرا

يادكتور عمرو السنة الواجبة لابد ان تتبع يادكتور والختان موضوع لايجوز فية الوجوب لأن زي ماقلنا و أتفقنا أنو حالة مرضية فأزاي يكون سنة واجبة

وبعدين هذا الموضوع بة خلاف كبير بين العلماء لم يحسم حتى الأن من ناحية ذكرة في السنة ولكن على المؤمن أستفتاء قلبة والمهم ان أحنا وصلنا لحل و الحمد اللة أنو حالة مرضية عند وجودها لابد من أستئصال الجزء الزائد

Admin كتب:وبعدين هذا الموضوع بة خلاف كبير بين العلماء لم يحسم حتى الأن من ناحية ذكرة في السنة ولكن على المؤمن أستفتاء قلبة والمهم ان أحنا وصلنا لحل و الحمد اللة أنو حالة مرضية عند وجودها لابد من أستئصال الجزء الزائد

بجد ردك حلو جدااا ومقنع ان المؤمن يستفتى قلبه شكرا ليك يا محمود وشكرا ليكم جميعااا بجد مناقشه مفيده جداا واشكرك يا دكتور ويا ميدو على الاضافه وياريت مواضيع اخرى للمناقشه تكون بنفس القوه

خلاصة الخلاصة
موضوع الختان يتم تحديده من قبل الطبيب المسلم
وبأكد على حته المسلم دي
يعني واحد عنده ضمير
ويشوف فعلا هل هي محتاجة ولا لا
يعني متكنش سبوبة
واي واحده تيجي يعملها ختان
وهوموضوع شرعا وفي الدين
والشيخ جاد الحق مفتي الديار المصرية السابق
كان ليه كتاب رادع في الموضوع دا
لانه مينفعش نلغية نظرا لخطورة العواقب لمن تحتاجة
وهو ايضا ليس بفرض ولكن مكرمة
كما ان مضاعفات العملية يمكن ان تحدث لاي عملية اخرى من نزيف وخلافة
اوزياده من جرعة البنج
فهذا يحدث في كل العمليات الجراحيه
ولكن انصار تحرر المرأة وانصار الهطل بتاع اليومين دول
بيكبروا المواضيع ع الفاضي
وووشكرا